Tjaalege Saemiedigkien bïjre (PDF, 3 MB)

Dåeriedidie mijjen "drop-in" vuesiehtimmine bïjre jarkan Saemiedigkesne Kárášjohkesne ts. 13 dæjstaj, gaskevåhkoej jïh duarstaj.  Ij leah daerpies åvtelhbodti bïeljelidh jis sïjhth meatan årrodh vuesiehtimmine.

Vuesiehtimmiegïele lea nöörjen, saemien jïh englaanten gïele. Fïerhte vuesiehtimmie vaasa ovrehte 30 minudth. Jeenjemes 25 almetjh maehtieh meatan årrodh aktene dåehkesne. Gaavnedimmiesijjie lea resepsjovnesne, jïh ij leah daerpies åvtelhbodti bïeljelidh jis sïjhth meatan årrodh.

Lohkh artihkelem Saemiedigkien arkitektuvren bïjre
Lohkh artihkelem tjeahpoen bïjre Saemiedigkesne

Ij naan vuesiehtimmieh stoerretjåanghkoevåhkoej

Gaatesjen ij leah vuesiehtimmieh dej våhkoej Saemiedigkien lea stoerretjåanghkoe.

Stoerretjåanghkoebiejjieh 2025

Våhkoe 11: Njoktjen 10.-14. b.
Våhkoe 23: Ruffien 2.-6. b.
Våhkoe 42: Golken 13.-17. b., åpning av det nye sameting
Våhkoe 49: Goeven 1.-5. b.

Stoerretjåanghkoebiejjieh 2026

Våhkoe 11: Njoktjen 9.-13. b.
Våhkoe 25: Ruffien 16.-19. b.
Våhkoe 39: Skïereden 21.-25. b.
Våhkoe 49: Rahkan 30. b. - goeven 4. b.

Sjïehtedamme faalenasse dåehkide

Mijjieh sjïehtedamme vuesiehtimmieh, åenehks håalomigujmie Saemiedigkien, saemiepolitihken jallh jeatjah sjiehteles teemaj bïjre faalehtibie skuvlelearoehkidie jïh - klaasside noeredaltesisnie jïh jåarhkeskuvline, siebride, institusjovnide jïh meedijasse. Mijjieh fïerhten aejkien faalenassem sjïehtedibie reeremen barkoefaamose jih dejtie politihkeles darjoemidie gåetesne.

Gaskesadth Saemiedigkine jis dov leah sjïere daerpiesvoeth. 

Ræhpas tjåanghkoeh

Tjåanghkoeh Saemiedigkien stoerretjåanghkosne jïh moenehtsinie leah ræhpas goltelæjjide. Stoerretjåanghkoe jïh moenehtsh fïereguhte ovrehte njieljie tjåanghkoeh åtna fïerhten jaepien. Gosse tjåanghkoeh dellie Saemiedigkien byöpmedssijjie aaj ræhpas guesside.

Saemiedigkien gærjagåetie

Saemiedigkien gærjagåetie lohkemesijjiejgujmie lea ræhpas ts. 09.00 – 15.30 jïh gaajhkesh dovnesh maehtieh dam nuhtjedh.

Lohkh vielie: Saemiedigkien gærjagåetie

Saemiedigkien kontovresijjieh

Lissine saemiedigkiegåatan Kárášjohkesne Saemiedigkien leah gaektsie kontovresijjieh.

Lohkh vielie Saemiedigkien kontovresijjiej bïjre

Guessiesijjie

Ávjovárgeaidnu 50, Karasjok