Áigemearri ohcat doarjaga ráfáidahttojuvvon kulturmuittuide mat leat priváhta oamastusas, 2025Skábmamánu vuosttaš beaivvi lea áigemearri ohcat doarjaga divodit ja máŧasdoallat priváhtta oamastuvvon ráfáidahttojuvvon kulturmuittuid. Sámediggi hálddaša sámi kulturmuittuid doarjjaohcamiid. Ohcama ferte sáddet elektrovnnalaččat ohcanportála Digisak.no bokte.Doarjjaortnega ulbmil lea doarjut visttiid, rusttegiid ja kulturbirrasiid, maid almmolaš aktevrrat dahje fitnodagat eai oamas dahje hálddaš, divodan- ja sihkkarastindoaimmaid, ja erenoamáš gáibideaddji máŧasdoallandoaimmaid. Elektrovnnalaš ohcanskovi ja doarjaga njuolggadusaid gávnnat Riksantikvaren neahttasiiddus. Almmuhuvvon 25.02.2020 15.15 Maŋemusat rievdaduvvon 29.09.2025 16.23