Fágaid sisdoallu lea ođas. Skuvllat fállet daid seamma fágaid go ovdal. Spiehkastagat leat fidnofágain, main muhtin fágat oahppoprográmmain leat ođđasat ja earát fas ovttastahttojuvvojit.

Oahppoplánat mat leat ođasmahttojuvvon Máhttolokten 20 Sámi (LK20S) leat:

• Sámegielfágaid oahppoplánat
• Sámi parallealla seammaárvosaš fágat vuođđoskuvllas ja čađamanni sámi parallealla seammaárvosaš joatkkaoahpahusas,
• Erenoamáš sámi fágat studerenráhkkanahtti ja fidnofágalaš oahppoprográmmain

Fágaođasmahttin lea leamaš rabas proseassa. Cealkámušaid ja gulaskuddamiid bokte lea buohkain leamaš vejolašvuohta buktit oaiviliid sihke Bajit oassái - Vuođđooahpahusa árvvut ja prinsihpat ja fágaid oahppoplánaide.

Evalueren

Buot skuvllat válde adnui ođđa oahppoplánaid 2020 čavčča rájes. Seammás álggahemiin čađahuvvo árvvoštallan barggus ovddidit oahppoplánaid ja mo dat galget doaibmat skuvllas. Árvvoštallan dáhpáhuvvá viđa jagi badjel.

Árvvoštallan galgá geavahuvvot sihke Fágaođasmahttima heiveheapmái ja vuođđun boahtteáiggi politihka hábmemii. Dat galgá leat ávkin guovddáš eiseválddiide, hálddahussii, skuvlaeaiggádiidda, skuvllaide, oahpaheddjiide ja eará guovddáš aktevrraide.