5 Viktige hensyn å ta for kultur og samfunnsliv

Plánen ja eaŋkilmearrádusat:

a. Galget dagahit luonddu guoddevaš geavaheami ja vuhtiiváldima, vuođđun sámi kultuvrii, ealáhusdoaibmamii ja servodateallimii.

b. Berrejit saji láhčit sosiokultuvrralaš diliid bisuheapmái nugo giellageavaheapmi, sosiálalaš geavahus, árbevirolaš máhtu fievrrideapmi ja buolvvaid gullevašvuohta eanadahkii, ássanbáiki ja báikegoddi nu ahte lea mielde kontinuitehta ovddideamen luondduvuođu geavaheamis.

c. Berrejit mánáid lagas birrasiin sihkkarastit areálaid ja rusttegiid mat buktet vejolašvuođa eará mánáiguin ovttastallat, bisuhan dihte sámi kultuvrraset ja identitehtaset. Doaibmabijut mat oktavuođa bisuhit ja máhtu fievrridit buolvvas bulvii berrejit fuomášumi oažžut.

d. Berrejit dagahit ahte barttaid ja bartaguovlluid huksen váldonjuolggadussan dáhpáhuvvá regulerenplána mielde gos maiddái guoskevaš infrastrukturdoaibmabijut dákkár bartaguovlluide leat plánas mielde. Bartahuksen berre nu guhkás go vejolaš leat čohkkejuvvon konsentreren dihte vahága lundui.

e. Galgá kulturmuittuid ja kulturbirrasiid suodjalit, dás maiddái báikkiid maidda historjjálaš dáhpáhusat, osku dahje árbevierru lea čadnojuvvon, nu ahte daid historjjálaš árvvut ja geavahanárvu aktiviserejuvvo dálááiggis ja boahttevaš buolvvaide.