4 Viktige hensyn å ta for næringsutøvelse

Plánen ja eaŋkilmearrádusat galget:

a. Čearuid, čearuid lahtuid, boazoguoh- tunorohagaid, siiddaid, siidaosiid ja boazodol- liid areála- ja resursavuođu sihkkarastit dakko bokte ahte báikkálaš ja regiovnnalaš váikkuhusaid vuhtiiváldá, dás maiddái garvinčuozahusaid.

b. Ii boazodoalu johtolagaid giddet.

c. Dárbbašlaš meriin árbevirolaš guollesajiid ja gođđosajiid areálaid sihkkarastit mat leat mearkkašahtti mávssolaččat guolásteap- mái sámi riddo- ja vuotnaguovlluin, ja ahte dorskebiebmanrusttegiidda ii ásahuvvo sadji eamidorski gođđoguovlluide. Váikkuhusat eai maid galgga báikkálaš guolásteapmái dagahit mearkkašahtti stuorra máhcakeahtes vahága dahje billisteami dihto guovllus.

d. Areálaid sihkkarastit árbevirolaš meahcás- teapmái nugo bivddu, guolásteami, murrema, čoaggima, murjema ja duodjeávdnasiid viežžama.

e. Kontinuitehta gozihit johtalussii ja beassamii árbevirolaš meahcásteami johtolagaide.

f. Dárbbašlaš meari mielde sihkkarastit gilvo- juvvon ja gilvvihahtti eatnamiid eanadoallo- buvttadeapmái ja guohtunguovllu šibihiidda nu stuorra šibitčorragii go doallu dálvvi badjel biebmat nagoda.

Plánema ja eaŋkilmearrádusa váikkuhusaid ferte árvvoštallat ovttaskas olbmuid ja olm- mošjoavkkuid ektui main lea eallinvuođđu mii lea luondduvuođo ávkkástallamii čadnojuvvon; ollásit, muhtun muddui, dahje meahcástan- ja ealáhuslotnolasvuođaiguin.