2 Doaibmaguovlu

Plánaveahkki guoská plánemiidda ja mearrá- dusaide mat sáhttet váikkuhit sámi kultuvrra, ealáhusdoaimmaheami ja servodateallima luond- duvuođu árbevirolaš sámi guovllus nannámis ja mearas gitta ovtta nautalaš miilla rádjái eana- linjá olggobeallái. Árbevirolaš sámi guvlui gullet Romsa ja Finnmárku ja Nordlánda ja suohkana maidda boazodoalloláhka ja trollheimenláhka gusket, ja suohkanat Engerdal, Flatanger, Folldal, Frosta, Grong, Holtålen, Høylandet, Inderøy, Indre Fosen, Leka, Levanger, Lierne, Meråker, Midtre Gauldal, Namsskogan, Namsos, Nærøysund, Oppdal, Orkland, Os, Osen, Overhalla, Rendalen, Rennebu, Rindal, Røros, Raarvihke, Selbu, Snåase, Steinkjer, Stjørdal, Sunndal, Surnadal Tolga, Tydal, Tynset, Verdal, Ørland ja Åfjord.

Sámediggi galgá plánaveahki vuođđun atnit iežas oaivadeamis ja plánaproseassaid searva- miin, ja sáhttá plánemiin ja mearrádusain mat eai soaba plánaveahkkái ovddidit dárbbašlaš vuosttaldeami, váidalusa ja gáibádusa das ahte regiovnnalaš plána galgá departementii ovddiduvvot.

Gielddat galget plánaveahki vuođđun atnit gield- dalaš plánemis, plánameannudeamis ja sier- ralohpeohcamiid gieđahallamis. Fylkkagielddat galget plánaveahki vuođđun atnit regiovnnalaš plánemis. Stáhtalaš pláneneiseválddit galget plá- naveahki vuođđun atnit stáhtalaš areálaplánaid ráhkadeamis.