2 Virkeområde

Pládnabagádus guosská plánimijda ja mærrádusájda ma máhtti vájkkudit sáme kultuvrraj, æládusdåjmadimev ja sebrudakiellema luondovuodov árbbedábálasj sáme guovlon gátten ja meran gitta avta nautalasj mijlla rádjáj ednamlinnja davvebælláj. Árbbedábálasj sáme guovlluj gulli Råmsså ja Finnmárkko ja Nordlánnda ja suohkanijt majt boatsojæládus- láhka ja trollheimenláhka guosski, ja suohkanijt Engerdal, Flatanger, Folldal, Frosta, Grong, Holtålen, Høylandet, Inderøy, Indre Fosen, Leka, Levanger, Lierne, Meråker, Midtre Gauldal, Namsskogan, Namsos, Nærøysund, Oppdal, Orkland, Os, Osen, Overhalla, Rendalen, Rennebu, Rindal, Røros, Raarvihke, Selbu, Snåase, Steinkjer, Stjørdal, Sunndal, Surnadal Tolga, Tydal, Tynset, Verdal, Ørland ja Åfjord.

Sámedigge galggá adnet pládnabagádusáv vuodon ietjas sæbrramijn oajvvadimen ja pládnaprosessaj, ja máhttá plánimijn ja mærrádusájn ma e såba pládnabagádusájn åvdedittjat dárbulasj vuosteldimev, gujddimusá ja gájbbádusá regionála pládna galggá departemænntaj åvdeduvvat.

Suohkana galggi adnet pládnabagádusáv vuodon suohkana plánimin, pládnagiehtadallamin ja sierravuodjemloahpeåhtsåmusáj giehtadallamin. Fylkkasuohkana galggi adnet pládnabagádus vuodon regionála plánimin. Stáhtalasj plánimoajválattja galggi adnet pládnabagádusáv vuodon stáhtalasj arealplánajt dahkat.