3 Krav til planprosess og beslutningsgrunnlag

Plánimin ja ájnegismærrádusá pládna- ja tsieggimlága milta ja njuolgadustjállaga milta vájkudustjielggidusáj galggi:

a. Vájkudusá sáme kultuvra, æládusdåjma dime ja sebrudahkaiellema luondovuoduj li nav buoragit gå máhttelis tjielgaduvvam ja tjuovggiduvvam, ja árbbedábálasj ja diedalasj máhto vuodon dagáduvá. Árvustallama galggi tjálalattjat liehket sadjihin guosskaduvvam rievtesvuodajaddnij, berustimijda ja almulasjvuohtaj.

b. Sáme berustimij åvdåstiddjij rádudalli. Rádudallamijt galggá tjadádit divna diedoj relevánta bielij divnajn dásijn ássjen ja dat galggá buorrevuodan dáhpáduvvat ja ulmmen avtamielalasjvuodav jåksåt. Sámedikkijn galggá rádudallat dåssju ássjijn maj ij la vuosteldimloahpe pládna- ja tsiekkaduslága § 5-4 milta.

c. Dåjmaj åbbålasj vájkudusá guoskavasj adnemguovlon árvustaláduvvi navti vaj juo vielet tjadáduvvam, mierreduvvam jali dåhkki- duvvam plánajt jali dåjmajt.

d. Ævto maj ájggomus la hieredit jut plána ja dåjma oadtju unugis vájkudusájt sáme kultuvrraj, æládusdoajmmamij ja sebruda hkaiellemij galggá árvustallat ja mierredit gå la máhttelis. Dan aktijvuodan galggá árvustallat máhttelisvuodajt ævtojt mierredittjat areálajt ja ressursajt ådåsis ásadibmáj, restitusjåvnåj ja máhtsadibmáj maŋŋela gå doajmma la låhpaduvvam.

e. Luondovuodo vieledusáv galggá viehka ålov dættoduvvat.

f. Plánim ja ájnegismærrádus ij galga åbbålasj árvustallama vuodon vájkkudit jut sáme kultuvra, æládusdåjmadime ja sebrudahkaiel- lema joarkkem vuornoduvvá jali viehka láhkáj mieddet adnemguovlon.

g. Hiebaduvvá navti vaj sámegielaga bessi sámegielav adnet sihke tjálalattjat ja njálmálattjat.