Dát gábmásadje l birrusij 1820 jage rájes. Dánna årojga Anders Mikkelsen (1791-1842) aktan áhkátjijn Synnev Andersdatter (1795-1878) jage 1820 ja jage 1842 gaskan. Andersin ja Synnevin lidjin tjoahkkáj gietjav máná.

Niejdda Elen Susanna (1820-1898) vállduj Johannes Olsenijn (1812-1904) Bakkelias Duorgas.

Anders ja suv vivva Johannes oattjojga vuodopáhppárijt duobddágijs Gállogietten (norm. Gallogieddi), valla Anders ittjij goassak jåvså dåhku jåhtet. Fellaj guollidattijn Skrovan sjnjuktjamáno sæmmi jage.

Peder Andersen

Synneva ja Andersa nubbe bárnne, Peder (1823-1868), vállduj Eva Katrine Olofsdatterijn (1822-1890) Bájilin (norm. Bájil). Såj aj jådijga Gállogæddáj (norm. Gállogieddi), valla famillja dåssjånij maŋŋela gå Peder hekkav massij muohtarido vuolláj jagen 1868. Áhkásj jådij Tuvaj Bálákvuomen, dievnnutjit båndorsijdan viehkken Finne Eiksena lunna.

Hejkabálges (Heikaveien)

Hejkábálges lij dán gámá guoran. Bálges jårkij tjåsskåråve badjel Jalgesjåhkåj, ja vijdábut vuolus Kvigelvaj. Danna aktiduvvá Attergårdbálggájn (Attergårdsveien).

Jalgesjågå alusj bieles manná bálges Moskijiekke (Moskimyra) nuortasj bielev. Bálges vuojnnu tjielggasit.