Ållestjåhkanime jådedibme

Sámedikke ållestjåhkanibme la Sámedikke alemus orgádna. Ållestjåhkanibme vállji Sámedikke giehtadallamvuoge §8 milta vihtta ájrrasijt Sámedikke ållestjåhkanimjådedibmáj ållestjåhkanimájrrasijs. Ållestjåhkanimjådedimen la ållestjåhkanimjådediddje, nubbejådediddje ja gålmmå ájrrasa, ållestjåhkanimjådediddje ja nubbejådediddje válljim dáhpáduvvá ållestjåhkanimmærrádusá baktu.

Ållestjåhkanimjådedibme: Kristin Sara, Knut Hærulf Wingstad, Sandra Márjá West, Tor Gunnar Nystad ja Gry Warth. Árvu/Sámediggi

Ållestjåhkanimjådedibme oadtju ietjas fábmodusájt Sámedikke ållestjåhkanimes Sámedikke giehtadallamvuoge §9 milta. Ållestjåhkanimjådedibme fábmodi mierrediddjefábmodusáv ållestjåhkanimjådediddjáj ja háldadussaj ássjijn má dárbahi jåhtelit giehtadaláduvvat.

Ållestjåhkanimjådediddje dahkamusá la Sámedikke giehtadallamvuoge § 9 milta giehtadallat háldadusáv Sámedikke jienastuslågov ja sámediggeválgav. Ållestjåhkanimjådedime gåhttju ja jådet giehtadallamijt Sámedikke ållestjåhkanimen ja adná åvdåsvásstádusáv buktet ássjijt sámedikkerádes fáhkakomitiejajda ja ållestjåhkanibmáj. Ållestjåhkanimjådedibme máhttá åvdedit ássjijt Sámedikke fáhkakomitiejajda ja ållestjåhkanibmáj, buojkulvissan ævtodusá rievddadusájda Sámedikke giehtadallamvuogijda ja ietjá njuolgadusájda Sámedikke politihkalasj doajmmaj.

Ållestjåhkanimjådediddje åvdås Sámedikkev moatten almulasj aktijvuodajn, dagu slåhttåmállásijn ja almulasj stáhtaguossijn. Sámedikke ålletjåhkanimjådediddjen la alemus árvvogisvuohta Sámedikke politihkkárij gaskan ja åvdåstimijn tjuovvoluvvá tjuovvusasj árvvogisvuohta politihkkárij gaskan ållestjåhkanimjådediddje, presidænnta, ållestjåhkanimjådedime ájrrasa ja sámedikkeráde ájrrasa Sámedikke giehtadallamvuoge § 34 milta.

Lågå Sámedikke giehtadallamvuoge (PDF, 521 kB)

Sandra Márjá West (NSR) la ållestjåhkanimjådediddje 2025-2029. Sadjásasj jådedidde: Knut Hærulf Wingstad (NKF). Sebrulattja: Tor Gunnar Nystad (NSR), Kristin Sara (NSR) ja Gry Warth (NKF).

Gåvå ållestjåhkanime jådedimes

Lågå aj: Sámedikki ållestjåhkanibme

Se når det er komité- og plenumsmøter