SáNuN ásaduváv bisso orgádnan jage 2003 rájes. SáNuN:an li vihtta stuoves ájrrasa gejt sámediggeráde l nammadam. Ájrrasa li nuora 16 ja 28 jage gaskan rijkav miehtáj. 

Sámedikke ållestjåhkanibme l mierredam SáNuN:aj bisso fámov ja organisierimav. Sámedikke nuorajpolitihkalasj nammadusán la iesjmierredibme ietjas dåjma hárráj mandáhta ja guoskavasj budsjehta ævtoj sisbielen.  Nammadusá ulmme la vájkkudit vaj sáme nuoraj mierredimoassálasstem ja vájkkudibme Sámedikke politihkkaj dán baktu: 

• oassálasstet Sámedikke bargon látjátjit dilev sáme nuoraj sebrudak- ja politihkalasj berustibmáj, rekruttierit ienep nuorajt Sámedikke jienastuslåhkuj, lasedittjat nuoraj oassálasstemav Sámedikkeválgan ja åttjudittjat nuora ájrrasijt Sámediggáj ja dikke stivrajda ja nammadusájda. 
• oassálasstet Sámedikkev hábbmimin nuorajpolitihkav mij guoskat nuorajt, vaj luluj gåbttjåt nav valljet gå máhttelis, doajmmat guládallamoassen Sámedikke ja sáme nuoraj gaskan ja guláskudden (sissŋálasj ja ålgoldis) Sámediggáj guoskavasj ássjijn. 
• Jus Sámedigge ásat nuorajkonferánsajt, máhttá nammadus sebrudahteduvvat plánimin ja tjadádimen. 
• Sámedikke nuorajpolitihkalasj nammadussaj máhtti vatteduvvat dahkamusá/dåjma politihkalasj ássjij aktijvuodan. 
• Nammadus máhttá ietjastis barggat ássjij ma li guoskavattja sidjij. 
• Nammadusán la riektá buktet árvvalusáv ássjij ma li guoskavattja, máhtti friddjavuodajn hållat medijájn ja máhtti låggŋit ássjijt ma li sidjij guoskavattja ietjá instánsaj. 

Nammadus galggá doajmmat guládallamásadussan sáme nuoraj ja Sámedikke gaskan, valla galggá aj liehket guláskuddamásadussan ja “bærrájgæhttjen” Sámedikke gáktuj nuoraidássjij aktijvuodan. Dajna vuogijn máhttá SáNuN viehkedit Sámedikkev nuorajprofijlav ja nuorajpolitihkav hábmemin.

Doajmma/mandáhtta (PDF, 63 kB)

Guládalá Sámedikke nuorajpolitihkalasj nammadusajn

SaNuN Facebookan

SaNuN blogga