Gehtja gåvåv sámediggepolitihkkárij almulasj dåjma ja økonomijjalasj tjadnusa  (PDF, 525 kB)

Sámedikke politihkkárij etihkalasj njuolgadusájn, 6. tjuokkan, javladuvvá jut sámedikkeájrrasa galggi rabásvuodav huksat ietjasa roallaj, luohtádusdåjmaj ja økonomijjalasj berustimij hárráj. Ájrrasa bivdeduvvi ållestjåhkanime jådedimjuohkusij gåvvit ietjasa rållajt ja luohtádusdåjmajt. Ietján vuoseduvvá habilitiehttanjuolgadusájda ma Sámedikke tjåhkanimårdniga § 33, háldadimlága § 6 milta

Almulasj doajmman ja økonomijjalasj berustimijn miejnniduvvá luohtádusdåjma, ámmádij, bargojn, gasskabådåsasjvirgge jnv, sihke bálkkiduvvam ja bálkkidahtes. Dat guoskat dåjma stivrrijiddje orgánajn priváhta jali almulasj vidnudagájn, berustimorganisasjåvnåjn ja stáhtalasj jali gieldalasj orgánajn. Galggá almoduvvat jus virge bálkkiduvvi vaj e. Politihkalasj belludagáj luohtádusdåjma ma ælla bálkkiduvvam, e registrieriduvá.

Vijddásappot galggi ájrrasa diededit makkir virgge/barggo la ja makkir barggovaddáj. Vejulasj iesjrádálasj barggo galggá aj almoduvvat, duola degu dåjma båndor, ælloniehkke, advokáhtta, journalissta jali iesjrádálasj konsulænnta.