Ráde galggá barggat vaj nannit daj sámij rievtesvuodajt ja iellemævtojt gejn li doajmmavariasjåvnå ma e tjuovo nårmajt. Dat galggá doajmmat rádevadde ráden Sámediggáj ja máhtov vaddet ja árvvalusáj ássjijn ma ulmmejuohkusij guosski.

Elisabeth Erke Ørjan Marakatt Bertelsen

– Dát ráde l ájnas ressurssa mij muv mielan hæhttu gávnnut sihkarastátjit jut gájkka sáme, berustahtek doajmmavariasjåvnå, bessi iesj buktet vuojnojt ja ietjasa rievtesvuodajt huksat. Sámedigge ávvudallá buorre aktisasjbargguj rádijn, javllá sámedikkeráde Elisabeth Erke (GB).

Tjåhkanimen bessin sebrulattja juogadit nanos ja persåvnålasj vásádusájt gåktu la viessot sábmen gejn li doajmmavariasjåvnå ma e tjuovvo nårmajt. Regiåvnålasj guovdásj dierredime ja traumáhtalasj stræssaj (RVTS Nord) ja Bufdir sæbrrin tjåhkanibmen, gånnå subtsastin ådå ráde TryggEst birra, mij galggá suodjalit ållessjattugijt sierra vádájn vahágahttema ja illastime vuosstij.

Jådediddje dán rádáj válljiduvvá boahtte tjåhkanimen.

Ráde ájrrasa:

Sebrulattja ráden sámij gejn li doajmmavariasjåvnå ma e tjuovo nårmajt. Gåro bielen Odd Petter Elvenes, Aili Kirste Arntzen, Frida Tellefsen Svineng ja Asbjørn Andersen. Sadjásasj ájras Ditte Emilie Hatlelid vájllujin gåvån. Sámediggi / Sametinget Aila K. Anti

Sámedikke rádes sámijda gejn li doajmmavariasjåvnå ma e tjuovo nårmajt, la dá ájrrasa ájgegávdan 2025 biehtsemáno 2027 javllamáno:

• Asbjørn Andersen
• Frid Tellefsen Svineng
• Aili Kirste Arntzen
• Odd Petter Elvenes
• Sadjásasj ájras: Ditte Emilie Hatlelid