– Dá jagásj budsjehtavuorodime le oasse almma ållidibmáj rahtjalis Muohtačalmmit-tjielggidusás, javlla Olsen. Muohtačalmmit la politihkalasj vuodo man milta ieneplåhko Sámedikken tjadát politihkav 2017 válga maŋŋel.

Akta dá jagásj vuorodime la oarjjelsáme musiedja ja kultuvrraguovdásj Saemien Sijte Snåasen, mij oadtju lasedimev 2,7 millijåvnå kråvnåjn. Doarjja la lasedittjat fágalasj kapasitiehtav musiedjan gå li adnuj váldátjit ådå tsiekkadusáv, ja lasedam goahtelájkkuj.

– Sámedikkeráde le riek dudálasj ådå Saemien Sijtie tsiekkadus la gárves adnuj váldátjit 2021 nalluj, javlla Olsen.

Duodden laseduvvá doarjja Sámi Museasearvi birrusijn 350 000 kr nanodittjat siebre fágalasj ja háldalasj birrusav ja Deanu ja Várjjat Museasiida 250 000 kr Bååstede-prosjevtan duolvvut dávverijt ruoptus. 

– Sáme kultuvrratsiekkadusá dárbahij árvvogis huodnahijt ja Sámedigge sihtá sáme kultuvrratsiekkadusá almma ålliduvvi. Dan diehti la ávvo gå ráddidus gåhtset stuoredimev Sámi Našunálateáhter Beaivvášis ja Sámedigge la álggám lasedimpládnaj nanodittjat teáhttara rekrutterimbargov dallutjij gå ådå tsiekkadus la gárves, javlla Olsen. Lasedimævtodus la 600 000 jagen 2021.

Duodden dási ævtot Sámedikkeráde lasedit dårjav Mearrasiidaj 300 000 kr. Mearrasiida la rahpama rájes 2003 vuosedam dárbov máhtudahkaj merrasábmelasj tiemáj hárráj, duodden merrasáme bájkev åvddånbuvtátjit ja máhtudakjuohkemij.

Sámedikkeráde la aj válljim biedjat ådå guovdátjav njuolggadoarjjaj, Girjjálašvuođaguovddáš.

– Li stuora máhttelisvuoda åvddånbuktemin sáme girjálasjvuodav ja guovdátjin la ájnas vidno dan hárráj. Guovdásj la oadtjom dårjav åhtsåmusårdniga baktu ja li vuosedam siján la tjadádimmiella, javlla Olsen.

Sámedikke budsjæhtta 2021 jahkáj mierreduvvá ållestjåhkanimen javllamáno.

Ságájdahttem jali gatjálvisá, guládalá sámedikkerádijn Henrik Olsen (NSR), 907 75 219, henrik.olsen@samediggi.no