Barggobájkke Sámedikke kontorbájkijn gånnå la sadje kontåvrråj.
Barggoálggo nav ruvva gå máhttelis.
Åvdåsvásstádussuorge
Giellaåssudagán la åvdåsvásstádus Sámedikke guhkepájggásasj giellavuorodimes jali giellalåpptimis. Oajvveulmme dán bargon la sebrudagáv oassálasstet vuojnnusij buktet ja åvdedit sáme gielajt sihke priváhta ja almulasj suorgen. Åssudagán la åvdåsvásstádus politihkkaåvddånimes åssudagá åvdåsvásstádussuorgijn, ja háldat vájkkudimnævojt giellasuorgen, aktisasj sjiehtadusájt ja ietjá dåjmajt.
Åssudak ja juogeduvvam gålmmå juohkusijda:
- Bájkkenamma ja giellasujtto juohkus
- Giellaháldadibme ja -politihkka juohkus
- Terminologidja juohkus
Barggodahkamusá
Åssudakdirekterran la dån oasálasj háldadusá jådedimjuohkusis ja sjatta barggat láhka aktijvuodajn politihkalasj jådediddjij.
Guovdásj åvdåsvásstádussuorge ja dahkamusá:
- Jådedit åssudagáv ja fágalasj dåjmat
- Organisasjåvnnååvddånahttem ja barggijåvdåsvásstádus
- Budsjehta- ja båhtusijåvdåsvásstádus
- Strategidjabarggo
Máhtukvuohta
Dån la jådediddje ja bagádalle gut buvtá dålat buorre organisasjåvnnåkultuvrav, ja nanos ja máhtodis juohkusav. Duv jådedimen la rabás vuojnojda ja buvtá árvustallat ietjat ja birrusav. Nanos tjehpudagá ja guládallama baktu sjaddi båhtusa aktisasjbargos.
Mij åhtsåp duv gænna l:
- Guoskavasj åhpadus masterdássen, jali kombinasjåvnnå guoskavasj bachelordásse ja åtsådallam
- Guoskavasj jådediddjeåtsådallam
- Nanos máhtudahka fáhkasuorgen
- Strategalasj máhtudahka
- Dåbddo sáme sebrudagájda
- Máhtudahka politihka, prosjæktajådedime ja mærrádusprosessa birra.
- Nanos digitálalasj máhtudahka
Duodden hæhttu buktet sámegielav, avtav skádasasuollu gielav ja ieŋŋilsgielav njálmálattjat.
Bálkká- ja barggoævto
Virge bálkká l stáhta regulatijvaj milta, virggekåvddå 1060 Åssudakdirekterra.
- Bálkás gieseduvvá 2 % Stáhta pensjåvnnåkássaj
- Buorre lådna- ja pensjåvnnåårniga Stáhta pensjåvnnåkássan
- Virgálattja gudi årru Finnmárkon jali Nuortta-Råmsån guosská oahppolåna árvovuoledibme 10% jahkáj, 25.000 kråvnå rádjáj, ja sierra dagálvisgæsos.
- Sámedikke barggijn li hiebadahkes barggoájgge ja ietjá álkkádusårniga
Sámedikke háldadus galggá buoremus láhkáj álmmuga moattevuodav gåvvit. Barggijpolitihkalasj ulmme l jåksåt jæbddásasj áldar- ja sjiervvedilev barggosajen, ja åttjudit ulmutjijt unneplåhko- ja álggoálmmukduogátjijn, doajmmagássjelisvuoda jali daj gænna la boarkka CV’an.
Sámedigge ávttji kandidáhtajt máhtudagájn åhtsåt, berustahtek álldara, sjierve, nasjonála jali etnalasj duogásj, doajmmagássjelisvuoda jali daj gænna la boarkka CV’an. Sámedigge la Sebradahtte Barggoiellem(SB/IA) ja galggá buorre barggodilijt láhtjet juohkka avta virgálattjaj.
Virgádibme la dábálasj lágaj, njuolgadusáj ja sjiehtadusáj milta.Virgen la 6 máno gæhttjalimájgge.
Åhtsåmus
Åhtsåmus sáddiduvvá elektråvnålattjat sválldasa baktu dán bielen "Apply for this job" (Åtså virggáj) tjuovvusasj diedo galggi tjuovvot:
- Åhtsåmusgirjje
- CV - oahppo ja barggoåtsådallam hæhttu dievdeduvvat elektråvnålasj sjiemán
- Oahppo- ja barggoduodastus hæhttu tjuovvot
- Binnemusát guokta referánsa
Almulasjvuodalága §25 milta máhtti diedo åhttse birra almoduvvat juska åhttse la rávvim bigodahtes liehket.
Åhtsåmájggemierre: Guovvamáno 14. biejve 2021.
Guládallam
Lagáp diedo virge birra, guládalá:
Lagáp diedo Sámedikke birra
Sámedigge
Sámedigge la nasjonálalasj álmmukválljidum orgádna sámijda Vuonan. Sámedigge barggá váj sáme galggi bisodit ja åvddånahttet ietjaska gielajt, kultuvrav ja sebrudakiellemav. Parlamentatsiekkadus la Kárášjågån.
Sámedikke háldadus jådeduvvá direkteras, ja la juogeduvvam fáhkaåssudagájda ja stába ja la birrusin 150 jahkevirge. Sámedikke kontåvrråbájke li Kárášjågån, Vuonnabadán Unjárgan, Guovdageainnun, Olmmáivákken Gáivuonan, Romsan, Skániken Dielddanuoren, Ájluovtan Hábmerin, Aarborten ja Snåasen.
Åtså virggáj
Åhtsåmájggemierre
Guovvamáno 14. biejve 2021