Oasen sámedikkeráde ævtodusás sjaddá Sámi allaskuvla defineriduvvat iemeálmmukásadussan. Sámi allaskuvla la uddni rijkkagasskasasj doajmma vuolgasadje le dádjadus sáme li iemeálmmuga. Sámedikkeráde la åvdebut oadtjum tjadá láhka vuododimev sámegielav iemeálmmukgiellan ådå giellalágan mij giehtadaláduvvá Stuorradikken.
Sámedikkeráde Mikkel Eskil Mikkelsen (NSR)
Sámediggi
– Sámedikkerádáj le ájnas tjårggit Sámi allaskuvla máhttelisvuodajt åvddånahttemij sáme ásadussan. Dan diehti ævtodip Sami allaskuvla rijkkagasskasasj doajmmaguovlov ja sijá vuolgasajev oahppoj ja dutkamij sjaddá vuojnnusin láhkatjoahkken. Mij diehtep Sámi allaskuvlan la rahtjalisvuohta sjaddam iemeálmmukuniversitiehtta. Láhkavuododibme Sáme allaskuvla iemeálmmukásadussan la riekta guovloj, javlla sámedikkeráde Mikkel Eskil Mikkelsen (NSR).
Sihtá láhkaj vuododit åvdåsvásstádusáv
Sámedikkeráde ævtot aj Sámi allaskuvlan galggá liehket láhkaj vuododam åvdåsvásstádus åvddånahttet gájkka sáme gielajt fáhkagiellan.
– Sámedikkeráde oajvvat aktan Sámi allaskuvlajn láhkaj vuododit sijá åvdåsvásstádusáv åvddånahtátjit gájkka sáme gielajt fáhkagiellan. Dát hæhttu vuojneduvvat Sámi allaskuvla rijkkagasskasasj doajmmama aktijvuodan. Ávvudallá muv gå Sámi allaskuvla la tjielgas dán ássjen ja mij Sámedikke bieles sihtap gåtsedit gå ålgoldisævto universitiehta- ja allaskåvlåsuorgge tjadáduvvá stuorradikkediedádusájn maŋenagi.
Sihtá vijdedit rållav
Sámedigge nammat uddni guokta stivrraájrrasa Sámi allaskuvlaj, valla sihti vijdedit rållav universitiehtta- ja allaskåvllåsuorgen nammadittjat stivrrajådediddjev Sámi allaskuvlan ja aj stivrraájrrasijt Nuortta Universitiehtaj ja UiT-Norgga árktalaš universitiehtaj.
– Sámedikke guovddagin le tjielgga roalla jådedimen universitiehtta- ja allaskåvllåsuorgev. Dán aktijvuodan la vájkkudimnævon oassálasstet aktijvalattjat nammadimen stivrraájrrasijt daj oahppoásadusájda. Nuortalasj ásadusájn la edna åvdåsvásstádus ja roalla sáme sebrudagán mij aj hæhttu vuojnnusin boahtet stivrraájrasjuogon. Stivran le dárbbo dakkir máhtudahkaj, javlla Mikkelsen.
Juogos badjelgehtjaj Sámedikkev
Ævtodusán ådå universitiehta- ja allaskåvlålágan ævtoduvvá Sámedikke roalla galggá binneduvvat ja Sámedigge láhppá nammadimriektáv ålgoldis stivrraájrrasijda Sámi allaskuvlaj.
Mikkelsen lájttális dán ævtodussaj, gå juogos ij la åvvånis árvustallam Sámedikke rållav universitiehta- ja allaskåvlå jådedime hárráj.
– Sámedikkeráde ij åvvånis máhte dåhkkidit jut Sámedikke oajválasvuohta jali roalla binneduvvá, ja mån vuojnáv juohkusin ij la dádjadam mij Sámedigge ja Sámi allaskuvla la. Ij la buorre gå ævtodi binnedit sámedikke nammadimriektáv. Mij válljip dan diehti sámedikkeráde bieles ållu tjielgga buktet mijá ævtodusájt ja vuorddámusájt mij guosská Sámedikke rållav ja oajválasjvuodav universitiehtta- ja allaskåvllåsuorge stivrrimin lága baktu ja vijddábut bargojn stuorradikkediedádusá mij guosská jådedimev universitiehtta ja allaskåvllåsuorgev.
Ságájdahttem jali gatjálvisá, guládalá sámedikkerádijn Mikkel Eskil Mikkelsen (NSR), tlf. +47 917 42 161, mikkel.eskil.mikkelsen@samediggi.no