Bivddep árvvalusájt gåktu rekruttierim sáme åhpadussaj máhttá låpptiduvvat

Bivddep árvvalusájt gåktu rekruttierim sáme åhpadussaj máhttá låpptiduvvat

Suohkan- ja guovllodepartemænnta ja Máhttodepartemænnta sihti árvvalusájt jahkásasj stuorradiggediedádussaj sáme giela, kultuvra ja sebrudakiellema birra, mij galggá liehket rekruttierima ja máhtudagá birra. 

Sáme giela ja kultuvra máhtudagá vánesvuodav hæhttup mij gájka válldet duodaj. Danen la ráddidus ja Sámedigge mierredam boahtte stuorradiggediedádus sáme giela, kultuvra ja sebrudakiellema birra galggá rekruttierimav ja máhtudagáv giehtadallat. Danna ájggu ráddidus gehtjadit mánájgárdijt, vuodoåhpadusáv ja alep åhpadusáv lagábuj.

Lågå Ráddidusá præssadiedádusáv: Sámegielåhpadiddjij rekruttierim la tiebmán boahtte stuorradiggediedádusán sáme giela, kultuvra ja sebrudakiellema birra

Sámedigge sihtá sáme guovlojn ienep árvvalusájt, danen gå ájnas la oadtjot buorre, konstruktijva árvvalusájt gåktu sáme rekruttierim galggá laseduvvat ja nanniduvvat. Máhtá árvvalusájt buktet duv ietjat åvdås, muhtem organisasjåvnå åvdås jali muhtem skåvlå åvdås.

Stuorradiggediedádus galggá åvddån buvteduvvat 2023 gidá. Ájggemierre árvvalusájt buktet la javllamáno 15. biejve dán jage.

Suohkan- ja guovllodepartemænnta l juo árvvalustjåhkanimijt ásadam, vuostasj tjåhkanime tjadáduvvi Råmsån ja Guovddagæjnon. Basádismáno 30. biejve ásaduvvá árvvalustjåhkanibme Levangerin.

Sáddi árvvalusáv gåktu rekruttierim sáme åhpadussaj máhttá låpttiduvvat ráddidusá næhttabielen