Buolvas Buolvaj la åhtsåm ja oadtjum dårjav ásadittjat julevsáme giella- ja kultuvrralávggomav Sáme Safari Campan, mij la Lávran Hábmera suohkanin. Dåppe galggi niellja intensijva biejve lávggot julevsáme gielan ja kultuvran. Biebmo, duoje ja subtsastime baktu galggá sijá sáme iesjdåbddo nanniduvvat, mij vas vaddá buorep iesjluohtádusáv adnet gielav ja kultuvralasj tjehpudagájt. Kultuvralasj jasskavuohta ja identitiehtta l vuorbástuvvamfaktåvrrå giellaåhpadusán dán guovlon.

Prosjevta ulmme la vaddet oassálasstijda tjehpudagájt, motivasjåvnåv ja inspirasjåvnåv anátjit sámegielav aktijvalattjat árggabiejven ja kursan la ulmme oassálasstij báhkoboanndudagáv lasedit.

Ulmmejuogos li nuora ja ållessjattuga gudi sihti julevsáme giellamáhtov ja kultuvralasj máhtudagáv lasedit mij la tjanáduvvam ietjasa fuolkijda ja histåvrråj.

– Sámediggáj la ájnas jut nuora ja aj ållessjattuga bessi julevsámegielav oahppat dán vuoge milta. Julevsámegiella l akta dájs ájteduvvam gielajs mij dárbaj dákkár giellaoahppamfálaldagáv. Moaddásin la passijva giellamáhtto ja dárbahi jasska rámma sissŋelin gielav adnegoahtet, javllá sámedikkeráde Mikkel Eskil Mikkelsen (NSR).

Doarjja vatteduvvá doarjjaårdniga Sáme gielladåjma oarjjel-, ubmem-, bihtám-, julev-, gålldå- ja márkkosáme guovlojda baktu.