Sáme giellajuogos biejaj åvddån jagen 2016 diedádusáv NOU 2016:18 – Vájmogiella, ja Sámedikke ållestjåhkanibme mierredij javllamáno 2018 åbbålasj stratesjidjav sáme gielajda Giellalåpptim. Sámedikkeráde la 2021’n válljim vuorodit dåjmajt ma li tjanádum dási moadda sebrudaksuorgijn ietjas budsjettævtodusán 2021 jahkáj.
– Buktet gielav vuojnnusin le mærkka tjanástibmáj, sadjihibmáj ja dåhkkidibmáj. Dan diehti vuorot Sámedikkeráde dá jahkásasj budsjehtan dåjmajt ma oasev válldij dássta, ja mij joarkkep vuorodimev Vájmogiella ja Giellalåpptima gáktuj, javlla sámedikkeráde Mikkel Eskil Mikkelsen (NSR).
Giellaguovdátja
Tjoahkkáj 16 sáme giellaguovdátja oadtju njuolggadårjav Sámedikkes. Jages 2021 li guokta ådå giellaguovdátja ma oadtju njuolggadårjav Sámedikkes.
– Sáme giellaguovdátjijn li giellafágalasj máhtudahka ja li bájkálasj giellaguodde. Guovdátja li ájnas aktisasjbarggoásadusá midjij låpptimijn ja buktet vuojnnusin sáme gielajt, subtsas Mikkelsesn. La Návuona giellaguovdásj ja Sámi Viessu Oslon.Mij lip duodden vuorodum gájkka giellaguovdátjijt váj máhtti oasev válldet Giellavahkko tjadádimes 2021 tjoahkkáj 800 000 kr, javlla Mikkelsen
Sáme giellaguovdátja Gielearenie, Gïelem nastedh ja Aajege oadtju duodden dá jage lasedimen 150 000 kr gesisik dokumenterim ja tjoahkkimij sáme bájkkenamájda oarjjelsáme guovlon.
Sáme giellaoahttse
Sámedikkeráde la aj biedjam 650 000 kr gåtsedibmáj dåjmajda ja láhkabargguj NOU 2016:18 Vájmogielas.
– Mij sierraláhkaj berustip gujddimriektáv, bærrájgæhtjov sámelága giellariektájs ja álgadimev sáme giellaoahtses, javlla sámedikkeráde Mikkelsen, ja mij vuojnnep sjaddá dárbbo guoradallat ekonåvmålasj ja háldalasj båhtusijt dåjmasj. Dan diehti lip biedjam rudájt dakkir guoradallamijda, låhpat Mikkelsen.
Sametingets budsjett 2021 - sametingsrådets forslag til innstilling (PDF, 2 MB)
Gatjálvisá jali ságájdahttem, guládalá sámedikkerádijn Mikkel Eskil Mikkelsen (NSR)
+47 917 42 161 mikkel.eskil.mikkelsen@samediggi.no.