Duohtavuoda- ja såbadimkommisjåvnå rappårttå baktu ja dan tjuovvolime giehtadallam sihke Sámedikkes ja Stuorradikkes, le sjaddam tjielgas jut dárbo såbadibmáj dárojduhttema maŋŋela la viehka stuorra. Dárojduhttem le hávijt buktám bájkálasj sebrudagájda ma hæhttuji divoduvvat. Vájku viehka ållo barggo le dagádum nannitjit ja ælládahtátjit sáme kultuvrav, de le ájn edna barggo báhtsám. Moattes li sáme gielav ja kultuvrav massám, ja soajttá dárbahi bagádusájt ja dårjav gå galggi ietjasa sáme identitiehtav gávnnat, ruopptot válldet jali dav nannit. Moadda sajijn ælla æjvvalimsaje sámeaktisasjvuohtaj. 

Gájkka sáme galggi adnet máhttelisvuodav oattjotjit sáme mánájgárddefálaldahkaj, sáme åhpadussaj vuodo- ja joarkkaskåvlån, ja stuoves æjvvalimsadjáj sáme giella- ja kulturfálaldagáj. 

Sámedigge gåhttju guovlulasj guláskuddamprosessajda ulmijn buktet åvddån dárbojt sáme fálaldagájda, årnigijda ja dåjmajda juohkka válggabijran. Guláskuddam galggá vuodov biedjat árvustallamij jus ja makkir láhkáj iesjguhtik sáme válggabijrra dárbaj nannusap jali ietjálágásj vuorodimijt boahtteájggáj ælládahtátjit, bisodittjat jali nannitjit sáme gielav ja sáme kultuvrav. 

Tjavtjan 2026 tjadát Sámedigge guláskuddamav Oarjje-Vuona válggabijran. Dát la vidát válggabijrra gånnå dákkir guláskuddam tjadáduvvá. Gålmmå jage duogen galggá tjadáduvvat guláskuddama gájkka Sámedikke válggabijrajn. 

Lågå guláskuddamgirjev (PDF, 330 kB)

Masi sihtá Sámedigge vásstádusáv?

Sámedigge sihtá vuojnojt dárboj hárráj sáme bájkkesebrudagá ja ájnegisalmatjij hárráj ulmijn divvot vahágahttemav dárojduhttempolitihkas. La aj ájnas tjalmostit majt bájkálasj sáme akterra máhtti iesj máhtti dahkat, ja gåktu suohkana, vuona ásadusá ja organisasjåvnå máhtti vájkkudit, ja makkir dåjmajda Sámedigge bierri látjet dilev. 

Duodden sihtap mij gullat jus la dárbbo rievddadit jali nannit Sámedikke doarjjaårdnigijt. 

Álmmuktjåhkanime 

Sæmmi båttå gå la tjálalasj guláskuddam galggá tjadáduvvat gålmmå álmmuktjåhkanime válggabijran: 

• Stavanger: Gasskavahko gålgådismáno 28. b. kl. 18.00-20.00, Folkets Hus, Sal 1, Løkkeveien 22, 4008 Stavanger
• Bergen: Duorastagá gålgådismáno 29. b. kl. 18.00-20.00, Litteraturhuset i Bergen, Amalie Alver-rommet, Østre Skostredet 5-7, 5017 Bergen
• Oslo: Duorastagá basádismáno 5. b. kl. 18.00-20.00, Litteraturhuset i Oslo, Skram-rommet, Wergelandsveien 29 0167 Oslo

Diehto bájke birra ja praktihkalasj diedoj hárráj almoduvvá rijmon Sámedikke næhttabielen ja mijá sosiála medijájn gå la gárves. Ájge máhtti rievddat – tjuovvola mijá kanálajn ådåsamos diedoj gáktuj. 

Álmmuktjåhkanime li ráhpasa gájkajda. Dålkkuduvvá sámegiella ja dárogiella gaskan gájkka álmmuktjåhkanimijn. Stavangerin sjaddá dålkkum sámegielas dárruj interactio-ehpa baktu. Válde fáron ietjat bælljasijt jus sidá ávkkit dålkkumis. 

Gåktu oassálasstet guláskuddamin? 

Gájka gut sihti, máhtti rádjat tjálalasj guláskuddamvásstádusáv sjiemá baktu mij vuojnnu vuollelin.

Guláskuddamájggemierre la basádismáno 23. b. 2026. 

Oassálasste guláskuddamin – dievde sjiemáv dánna   

Jus ij máhte oassálasstet digitála sjiemá baktu, máhtá rádjat ietjat guláskuddamvásstádusáv påsta baktu. 

Sámediggi - Sametinget  
Postboks 3 9735  
Kárášjohka/Karasjok 

Guláskuddamvásstádusá li almulattja almulasjvuodalága milta ja almoduvvi Sámedikke næhttabielen.