Ulmme ævtoduvvam njuolgadusrievddadimijda la nannit riektáv adnet sámegielav tjálalasj ja njálmálasj guládallamin almulasj oajválattjaj, duola dagu NAV ja NVE.

– Rievddadusá látjij dilev sáme álmmugij guládallat guovdásj almulasj orgánaj ietjaska giellaj, juojddá mij la vuodulasj riektá ja ájnas bisodittjat ja åvddånahtátjit sáme gielav ja kultuvrav, javllá sámedikkeráde Mikkel Eskil Mikkelsen (NSR)

Hæsot rádjat guláskuddamvásstádusájt

Mikkelsen javllá la riek ájnas ássje mij vájkkut sámegiellaaddnijt ja hasot dan diehti sámesebrudagáv rádjat guláskuddamvásstádusájt. Njuolgadusrievddama la tjuovvolibme rievddadusájs sámelágan, mij fámoduváj ådåjakmáno 1. biejve 2024 ja guláskuddam ájggemierre la biejadum ragátmáno 27. bæjvváj 2024.