Vuorodibme sjaddá mákset 3 millijåvnå kråvnå ja sjaddá guosskat bårggemáno 1. biejve 2023 rájes.
– Mij dárbahip ienep sámegiellaaddnijt, ja mánájgárdde la mijá stuorámus ja ihkap ájnnasamos rekruttierimariená. Dan diehti ævtot sámedikkeráde sámegielak mánájgárdij æjgátgålojt mákset rekruttierimdoajmman, ja mij duodden sjaddá vájkkudit buorre guovllopolitihkkaj gå ienemus oasse sámegielak mánájgárdijs li guovllobájkijn, javllá sámedikkeráde Mikkel Eskil Mikkelsen.
Mikkelsena mielas la ævtodus ájnas sámegielladoajmma ja doajvvo buoret rekruttierimav mánájgárdijda.
Duodde ráddidusá ævtodussaj
Ráddidus ævtot ietjas 2023 stáhtabudsjehtan vaddet nåvkå mánájgárddeårdnigav Nuortta-Råmsån ja Finnmárkon. Sámedikkeráde tjuovvol dav årdniga vijdedimijn guoskatjit sámegielak mánájgárdijt ja åssudagájt ålggolin ráddidusá doajmmaguovlo.
– Sámedigge la moatten bále låggŋim dárbov sáme mánáj láhkamierredum riektáj sámegielak mánájgárddefálaldahkaj. Dat doajmma la vuostasj lávkke Sámedikke bargon vuorbástuvvat láhkarievddamijn, javllá Mikkelsen
Giellalåpptim mij sjaddá nannit sáme sebrudagáv
Nåvkå sámegielak mánájgárddeårdnik sjaddá tjuovvoluvvat máhtudaklåpptimdåjmaj doarjjan mánájgárdij giellaåvddånahttemij.
– Dát la budsjæhttaævtodus sámedikkerádes ja mij sihtap jut mánájgárde galggi oadtjo dårjav åvddånahtátjit giellabargov mánájgárden ja vaddet dajda máhttelisvuodajt barggat nanos giellamodellaj baktu. Sæmmi båttå sjaddap guládallat mánájgárde vidnudakæjgádij gávnadittjat dåjmajt bájkálasj dárboj milta vaj sjaddá giellalåpptim mav sáme sebrudak duodaj dárbaj, javllá Mikkelsen
Sámedikkeráde budsjæhttaævtodus almoduvvá ållåsit boahtte duorastagá gålgådismáno 27. biejve kl. 08:00.
Ságájdahttem jali gatjálvisá, guládalá sámedikkerádijn Mikkel Eskil Mikkelsen (NSR), tlf. +47 917 42 161, mikkel.eskil.mikkelsen@samediggi.no jali politihkalasj rádevaddijn Anne Toril Eriksen Balto (Gb) tlf: +47 413 10 027, anne.toril.eriksen.balto@samediggi.no