PRM: Julev- ja oarjjelsáme fágajda doarjjamateriálla-video

PRM: Julev- ja oarjjelsáme fágajda doarjjamateriálla-video

Sámedigge almot vuostasj bále doarjjamateriálla-videojt julev- ja oarjjelsáme giellafágajda.

Sámegiella vuostasjgiellan la sihke giellafáhka ja ávddamfáhka, dat merkaj fága baktu oadtju sáme sebrudahka jasskis giellaaddnijt ja giellaguoddijt. Fágan sámegiella nubbengiellan galggá ávot sámástit ja adnet gievras giellamodellajt njálmálasj gielav åvddånahtátjit.

Sámediggeráde Mikkel Eskil Mikkelsen (NSR) la ávon gå bæssá subtsastit dán sierralágásj dáhpádusá birra mij fáhkaådåsmahttemij guosská.

– Sávav video li ávkken ja li måvtåstuhtte vædtsagin sámegiela åhpadimen. Sávav aj arvusmahttá gåktu máhttá ådå oahppoplánajt adnet åhpadimen, sihke fágan sámegiella vuostasj- ja nubbengiellan, javllá Mikkelsen.

Sámegiella vuostasjgiellan fágan la giella- ja tækstaoahppa guovdátjin. Oahppe galggi sjaddat jasska giellaaddnen ja galggi oahppat duon dán giela vidjura birra, váj máhtti dav máhtov adnet ienep oahppamij ja barggoiellemin. Madi fágan sámegiella nubbengiellan la sámástit ja báhkoboanndudagáv nannit, guovdátjin.

Jus sidá ságájdahttet jali gatjádallat, de sámedikkeráde Mikkel Eskil Mikkelsen (NSR) vásstet, tlf. +47 917 42 161, mikkel.eskil.mikkelsen@samediggi.no  

Doarjjamateriálla-video li dáppe:

Julevsámegiellaj:

Doarjjamateriálla sámegiellaj vuostasj giellan (julevsábmáj, dárogiela tæksta) – 08:30 min

Doarjjamateriálla sámegiellaj nubben giellan (julevsábmáj, dárogiela tæksta) – 04:42 min 

Doarjjamateriálla sáme fágajda (julevsábmáj, dárogiela tæksta) – oanegis: 02:42 min

Oarjjelsámegiellaj: 

Doarjjamateriálla sámegiellaj vuostasj giellan (oarjjelsábmáj, dárogiel tæksta) – 09.35 min

Doarjjamateriálla sámegiellaj nubbengiellan (oarjjelsábmáj, dárogiela tæksta) – 04.55 min 

Doarjjamateriálla sáme fágajda (julev- ja oarjjelsábmáj, dárogiela tæksta) – oanegis: 02.45 min