Maja Kristine Jåma Åse M. P. Pulk/Sametinget

Sámedikkeráde tjielggidus sáme filma birra gåvvit suorgev ja lagábut gehtjat sihke tjielggimav ja árvo sáme filman, sæmmi båttå gå gehtjat hásstalusájt ja stratesjijjajt ma li sáme filmmasuorge åvdån.

– Sáme filmma la sierraláhkáj åvddånahteduvvam, valla li vilá hásstalusá ma duossto buvtadimdáse hárráj gå moadda stuoráp sáme buvtadime sjaddi boahttejagijt, javllá sámedikkeráde Maja Kristine Jåma (NSR).

Sámedikkeráde tjielggidusán sáme filma birra åvddån båhti iesjguhtiklágásj hásstalusá ja stratesjijja máhttelisvuoda duostotjit dárbojt ja åvddånahttemvejulasjvuoda sáme filmajda. Filmma åvddåbuktemvuohken vájkkut jut sáme álmmuga histåvråsubtsastibmáj. Dan diehti la aj ájnas bisodit sáme iesjmierredimev dajnas la ájnas sihkarasstet jut buvtadimmærrádus dagáduvvá sáme mierrediddjijs.

Sámedikkeráde ulmme la lasedit vejulasjvuodajt sáme filmajda, ja jut giehtaåvddån sjaddá iesjguhtik sáme giellaj. Dat la suorgge gånnå li viehke edna ruhtagålo, valla mij aj máhttá vájkkudit árvvolassánimev sáme guovlon. Budsjæhttaævto hæhttuji laseduvvat vaj sáme guhkesfilmmabuvtadime ja dubbafilma galggi sihkarasteduvvat lasedimev.

– Mij sihtap duola dagu barggat vaj nannip Internasjonalt Samisk Filminstitutt (ISFI) ja aj vájkkudit ISIFa árvov rijkkagasskasasj máhtudagáv vuojnnusij buktet, åvddånahttet ja sihkarasstet aktisasj vuorodimev nasjonsalálattjat, nuorttarijkalattjat ja arktalasj dásen vaj buorep ruhtadibme sajijduvvá, javllá Jåma.

Tjielggidus giehtadaláduvvá Sámedikke ållestjåhkanimen bierjjedagá snjuktjamáno 10. Biejve.

Ságájdahttema jali gatjálvisá, guládalá sámedikkerádijn Maja Kristine Jåma (NSR), mob. +47 472 42 366, maja.kristine.jama@samediggi.no