Virgge l guhtta jahkásasj ájggegávdan, ja Sámedikke ássjegiehtadallamvuohke milta galggá virgge almulattjat almoduvvat juohkka ådå ájggegávddaj. Virgádibmemærrádus dagáduvvá sierra virgádimnammadusá baktu, mav Sámedikke ållestjåhkanibme nammadij javllamáno 2025, mærrádusárvvalusá milta mav Sámedikke presidænnta låpptij.

Sámedikke direkterra virgge le bajemus jådediddje virgge háldadusás, ja åvdåsvásstádusájn tjadnat ja liehket dåjmadahka politihkalasj dåjmas. Dan roalla gájbbeduvvá dan diehti háldadimmáhtudagáv, jådedimtjehpudagáv ja politihkalasj dádjadusáv.

Sámedikkepresidænnta Silje Karine Muotka Ørjan Marakatt Bertelsen

Sámedikken li birrusij 155 bargge lågev kontåvrråbájkijn. Sámedikkepresidænnta Silje Karine Muotka (NSR) mielas le dát soajttá ájnnasamos jådedimbarggo Sámen.

– Dujna le aktijvuohta dajs ájnnasamos ja geldulamos ássjijn mijá sebrudagán. Dát le barggo gånnå oattjo lagábut barggat politihkkárij, sæmmi båttå gå dujna le barggo jådedit ja åvddånahttet Sámedikkev ásadussan, javllá Muotka.

– Sámedikke direkteran la riek ájnas doajmma sáme sebrudagá vuoksjuj. Direkterran galga dån máhttet jådedit buorre láhkáj, sæmmi båttå gå mij åvddånip ja nannip Sámedikkev ájn vil ienep dahkamusáj ja åvdåsvásstádusáj, joarkká sámedikkepresidænnta.

Virgge almoduvvá aktisasjbarggon rekruttierimdåjmadagájn Heia Nord-Norge, mij galggá viehkedit prosessan. Ulmme le jut virgádibme galggá ålliduvvat giesen.

Lågå virggealmodusáv