- Dát la ådå doarjjaårdnik Sámedikke bieles gånnå mij hálijdip jåksåt sáme sebrudagáv ja barggat sámevasje ja givsedime duostodimijn vijddásit. Ij hálijdip jut nav moattes gå vejulasj åhtsi, javllá sámedikkeráde Mikkel Eskil Mikkelsen (NSR).

Juska berustibme sáme mánáj ja nuoraj givsedime ja álbedime hásstalusáj hárráj la lassánam, la åhtsåmuslåhko doarjjaårdnigin læhkám gallegasj dásen. Doarjjaårdniga baktu sihtá sámedigge doarjjat prosjevtajt ma vájkkudi hábbmitjit jasska ja sebrudahtte bajássjaddambirrasijt sáme mánájda ja nuorajda, sihke almma- ja næhttasebrudagán.  

- Mij diehtep jut sáme máná ja nuora vásedij givsedimev ja sámevasjev, sihke digitála- ja skåvllå- ja asstoájgedåjmajn. Danen la ájnas oadtjot åhtsåmusájt váj mij máhttep doarjjat prosjevtajt ma máhtti vájkkudit jasska ja sebrudahttebirrasijda sáme mánájda ja nuorajda, javllá sámedikkeráde Runar Myrnes Balto (NSR).

Åhtsåmájggemierre la basádismáno 1. biejve 2024

Lågå ienebu doarjjaårdniga birra ja åhtså dánna: Givsedime ja sámevasje duostodibme - Sámedigge  .