Sjiehtadusán galggá Sámedigge oassálasstet akta dajs 15 stivrrim ásadusá ja sebrudakakterra stratesjijjalasj guojmmevuoda åvddål væráltgilpos (VM). Dát sjaddá vaddet Sámediggáj vejulasjvuohta sæbrrat dåla plánimij ja tjadádibmáj. Da gålmmå nuorttalamos fylkasuohkana li aj maŋen dán guojmmevuodan.

- Sámedigge oadtjo dálla vejulasjvuodav låpptit sáme kultuvrav, histåvråv ja sebrudakiellemav sihke dålaj åvddål ja dåla ájge. Dat luluj vaddet doalláj buorep tjanástagáv gaskostittjat sáme sajijimev dán guovlo ålles værálda åvdån, javllá sámedikkeráde Paul Bendikk Jåma.

Dát ij la ruhtadiddjeprográmma, ájnat værmádahka æládusjådediddjijda ja mierrediddjijda ma árrat bessi sæbrrat prosjæktaj, dan baktu oadtju vejulasjvuodav hábbmit prosjevtav vijddábut. Guojmmevuohta la oadtjum namáv N29 Next, ja galggá liehket ariedná aktisasjbargguj, máhtudakjuohkemij ja initiatijva ma åvddånahtti máhtudakvuodov, árvvoháhkuhibmáj, ådådago tjoavddusa, rijkajgasskasasj vuojnnusij buktem ja guhkesájggásasj vájkkudusá Nuortta-Vuodnaj. 

-Miján li vuorddámusá vijddábut aktisasjbargguj aktan Narvik 2029, ja sjaddap barggat åvdån vaj ij dåssju galggá sjaddat oanesájagásasj gåvvå, valla jut åvddånibme ja tjalmostahttem sáme kultuvrraj, histåvrråj ja sebrudakiellemij Áhkánjárgan galgaluluj liehket sæmmi ájnas aj maŋŋel dåla li låhpaduvvam, javllá Paul Bendikk Jåmå