President Silje Karine Muotka og plenumsleder Sandra Márjá West utenfor slottet Inger Elin Kristina Utsi, Sámediggi

Sámedikkepresidænnta Silje Karine Muotka ja ållestjåhkanimjådediddje Sandra Márjá West åvdåstibá Sámedikkev almulasj markerimijn ja seremonijjajn surggoájggegávdan. 

Sådnåbiejve oassálastijga mujttojubmeldievnastusán Oslo domgirkkon. Dijstagá oassálassteba vuornnáv dahkamin Stuorradikken, ja oassálassteba bierjjedagá ármesvuodavarrudagá audiensan Slåhtan. 

Sámedigge tjuovvo nasjåvnålasj surggoájggegávdav ja daj mærrádusájt ma li vattedum stáhta ásadusájda. Dan diehti la ieneplåhko ålgoldis dåjmasj ij sjatta jali sjáhtjaluvvi maŋŋel hávddádusá. Plániduvvam ájrasmano ájggegávdan li aj sjáhtjaluvvam.  

– Mij oassálasstep surgon ja vieledusáv vuosedip surggoájggegávdan. Dát guosská aj gájk politihkalasj dåjmajs ij sjatta mige jali sjáhtjaluvvi maŋŋel hávddádusá, javllá sámedikkepresidænnta Silje Karine Muotka.  

Plániduvvam parlamenteralasj konferánssa sámedikkeájrrasij gålmå rijkajs Girkkonjárgan dá vahko dan diehti ij tjadáduvá. Ulmme le gávnnat ådå biejvijt ma hiehpi konferánssaj maŋŋela. 

– Sámedigge oassálasstá surgon. Gånågis Harald la bisodam ja åvddånahttám buorre aktisasjvuodav sáme álmmugij, ja sujsta báhtsi mujto ma e goassak goassto, javllá ållestjåhkanimjådediddje Sandra Márjá West.