Silje Karine Muotka sammen med de som deltok på litteraturseminaret i 1972. Fra venstre Mai-Britt Utsi, Nils Mathis Vars, Laila Somby Sandvik, Odd Mathis Hætta, Nils Isak Eira ja Máret Guhttor.
Liv Inger Somby/Sametinget
Sametingspresident Silje Karine Muotka deltok på dette arrangementet 13.08.2022. Hun sa at det er viktig både å mimre og informere om ČSV-bevegelsen, og at vi får høre mere om hva som skjedde på litteraturseminaret høsten 1972 i Sirbmá.
Ráhkis ČSV-árat, ávvodoaluid oasseváldit ja guossit!
Lea hui erenoamáš munnje, sámediggepresideantan, beassat vásihit dán beaivvi, ahte mii ávvudat dáppe Sirpmás ČSV 50 jagi ávvodoaluid.
Ja oainnán dáppe áŋgiris sámepolitihkkáriid, kulturbargiid ja servvodatberošteddjiid geat leat rahčan sámi servodaga ovdánemiin máŋga logi jagiid.
ČSV- golbma sámi bustáva – main lea čielga symbolihkka.Golbma bustáva mat leat ofelastán fámu ja váikkuhemiid olaheamis.
50 jagi lehpet dii čuollan sápmelaččaid vuoigatvuođaid ovddas, giella ovdánemiin ja ahte Sámis lea buorre servodat ovdáneapmi ja buorre ássandilli.
Háliidan ge dás din buohkaid giitit barggu ja áŋgiruššama ovddas! Dii geat eallenagi lehpet čuollan sápmelaččaid várás.
Lea maid vuogas muittašit ja giitit daid sámi oappáid ja vieljaid geat leat vádjolan eret ja geat ledje áŋgiris ja fámolaš ČSV-árat.
ČSV lihkadus lei nana váikkuheaddjin. Dii áigá juo diđiidet mo sámi servodagaid miehtá Sámi ferte ovdánahttit ja máhtiidet ákkastallat ja dis lei fápmu váikkuhit! Din politihkalaš bargu ja oassálastin lea dehálaš oassin min eallimis ja sámehistorjjás.
Midjiide leat oahpás “Čájet sámi vuoiŋŋa”, “čuola sámi vuoigatvuođain”, “čállot sámegiela vuohkkasit” - ja numo Juho Juhán, Johan Jernsletten 1972 savkalii nubbái “sámi čiegus veahka”.
Persovnnalaččat illudan čuovvut otná ságastallamiid ja sáhkavuoruid - gullat eanet ČSV-árin ČSV áiggiid birra, dalle ja dálá áiggis. Háliidan maid gullat makkár oainnut dis leat boahttevaš Sápmái!
Mii odne nai ávvudat iežamet olahusaid. Sámi ásahusat leat ásahuvvon. Mis leat sámi parlameanttat golmma riikkas. Sámi skuvllain oahpahuvvo sámegiella ja mis leat lágat mat suddjejit ja ovdánahttet min vuoigatvuođaid. Muhto ain leat čoavddekeahtes áššit maiguin eat sáhte goassige vuollánit. Okta lea sisabahkkemat min guovlluide ja nubbi ges mo min cielahit beaivválaččat.
Mun boađán dál njuolgga Sámekonferánssas Váhčiris dahje Jielleváris. Doppe gullen ja vásihin áŋgiris ja duostilis politihkkáriid ja kulturbargiid, geat čájehit sámi vuoiŋŋa!
Sávan didjiide lihkku 50 jagi ávvodoaluiguin ja gávdnen hui vuogas cealkaga girjjážis - “Jurd`agat ja sánit- Sámi divtat” man Anders Guttormsen doaimmahii:
/Ellus gukká buot mii ánsáša ČSV mærka! /
Giitu bovdejumis deike!