Vanntsabiggim, tsiekkadusáj ájmonanodibmáj, arkeologijjalasj kárttim, máhtudakjuohkem, gábmátsieggim ja sáme kultuvrmujtoj ájmmuj åttjudibmáj li nágin dajs moadda dåjmajs ma oadtju dårjav Sámedikkes jagen 2025. 

– Anne Henriette Nilut.  Sáme kultuvrmujto li ájnas gáldo máhtudahkaj ja mijá kultuvrhiståvrråj. Danen oadtjo moadda buorre ja ájnas prosjevta dårjav. La stuor berustibme sáme kultuvrmujtojs Lofåhtan ja Viestarálan, ja mujna li buorre vuorddámusá bargguj mij daj guovlojn dagáduvvá javllá politihkalasj rádevadde Anne Henriette Nilut.

Sámedigge la jagen 2025 lasedam åhtsåmdoarjjaårdnigav “Sáme kultuvrmujttosuodjalibme” lahkke millijåvnå kråvnåjn.

– Moadda akterra dahki ájnas bargov ja moattes åhtsi dårjav Sámedikkes. Kultuvrmujtoj suodjalibme ja máhtudakjuohkem daj birra la ájnas bisodittjat sáme kultuvrárbev boahtteájggáj, javllá Nilut ja sávvat akterajda vuorbev dåjmajnisá.

Sihke sahtealmatja, organisasjåvnå ja ásadusá lij åhtsåm dårjav ja oadtjom dårjav oarjás nuorttaj.

Da 22 åhtsåmusá oadtjun dårjav:

• UiT Norgga árktalaš universitehta (Norges arktiske universitet) – Sáme kultuvrmujto kárttim. Doarjja: 92.290 kråvnå. 
• Sisdajven fylhke (Innlandet fylkeskommune) – Máhtudaklåpptim sáme kultuvrárbes - Sisdajven. Doarjja: 100.000 kråvnå
• Håvard Haraldsønn Salen – Ásadit miehttsehoajddoplánav vuodon bisodittjat kultuvrduobddágav. Doarjja: 30.000 kråvnå
• Ann-Sissel Berglund – Ájmonanodime tsiekkadusás alla kultuvrhiståvrålasj árvujn. Doarjja: 80.000 kråvnå
• Lisa Vangen – Doarjja dilleárvustallamij ja doajmmapládna oabme gádjaj – Olmmaivággi (Manndalen). Doarjja: 33.000 kråvnå
• Lofoten sameforening – Kultuvrmujtto registrerim. Doarjja: 36.000 kråvnå
• Vesterålen og omegn sameforening – arkeolåvgå ságastallammannuj. 91.000 kråvnå
• Manndalen jeger- og fiskeforening – Plánit prosjevtav «gábmá ådåsis tsieggim». Doarjja: 20.000 kråvnå
• Min Árbe – Vår arv. Samisk kulturforening i Sør-Varanger – bihkusij ja  vuojnnusij buktet  sáme histåvråv - Saujj-Va'rjjel (Sør-Varanger). Doarjja: 90.000 kråvnå
• Skiervvá suohkan (Skjervøy kommune) – Tsieggit gájkkásasj hiebaduvvam låpptiduvvam bálkáv. Doarjja: 500.000 kråvnå
• Skjækerfjell reinbeitedistrikt – Sáme kultuvrmujtto registrerim – Skæhkere (Skjækerfjell). Doarjja: 85.000 kråvnå
• Ann-Britt Johnsen Kværnmo – Ásadit dilleárvustallamav suodjaluvvam fievses - Kvernmo. Doarjja: 28.000 kråvnå
• Elin Johanne Nilsen – Ájmmuj åttjudittjat årromgoadev - Uhca Dorskavuotna (Lille Torskefjord). Doarjja: 45.000 kråvnå
• Pitesamisk museum – Goade ållim - Granheim. Doarjja: 150.000 kråvnå
• Pitesamisk Museum – Registrerim sáme åbmudagájs årrombájken Granheim. Doarjja: 70.000 kråvnå
• Stiftelsen Mearrasiiida – Biggit guokta ruovvebiggidum muorravantsa kopijjajt. Doarjja 360.000 kråvnå
• Stiftelsen Nordland Nasjonalparksenter – Tsieggit sáme årrombájkev, gámá, skiejáv soages ja njalla. Doarjja: 225.000 kråvnå
• Lars Isak Johannes Påve – Ájmmuj åttjudittjat oabme sáme buvrev – Snåsen tjielte (Snåsa kommune). Doarjja: 60.000 kråvnå
•  James Karlsen – Ájmmuj åttjudittjat merrasáme årrombájkev Boazoluokta. Doarjja: 50.000 kråvnå
• Várdobáiki AS – Ælládahttem Gállogieddi:s. Doarjja: 190.000 kråvnå
• Kai Christian Linde – Fáhkaseminárra 1700-jage jávta ådåsisdago birra. Doarjja: 50.000 kråvnå
• Nordfar as 200.000 – Registrerim ja identifisierim sáme tsiekkadusájs bidumsáme guovlon. Doarjja 200 000 kråvnå

Sámedikkediedádus sáme kultuvrmujttosuodjalime birra «Áimmahuššan» la biedjam ulmijt ja stratesjijjajt Sámedikke kultuvrsuodjalime bargguj. Dårja li oase dan bargo stratesjijjas . Sámedikke ållestjåhkanibme sjaddá giehtadallat rievddadusáv sámedikkediedádusás biehtsemáno ållestjåhkanime. Ássjepáhppárijt gávna dánna. Ássjepáhppárijt gávna dánna 

Dánna máhtá låhkåt doarjjaårdniga birra.