Duohtavuoda- ja såbadimkommisjåvnå rappårttå baktu ja dan tjuovvolime giehtadallam sihke Sámedikkes ja Stuorradikkes, le sjaddam tjielgas jut dárbo såbadibmáj dárojduhttema maŋŋela la viehka stuorra. Dárojduhttem le hávijt buktám bájkálasj sebrudagájda ma hæhttuji divoduvvat. Vájku viehka ållo barggo le dagádum nannitjit ja ælládahtátjit sáme kultuvrav, de le ájn edna barggo báhtsám. Moattes li sáme gielav ja kultuvrav massám, ja soajttá dárbahi bagádusájt ja dårjav gå galggi ietjasa sáme identitiehtav gávnnat, ruopptot válldet jali dav nannit. Moadda sajijn ælla æjvvalimsaje sámeaktisasjvuohtaj.
Gájkka sáme galggi adnet máhttelisvuodav oattjotjit sáme mánájgárddefálaldahkaj, sáme åhpadussaj vuodo- ja joarkkaskåvlån, ja stuoves æjvvalimsadjáj sáme giella- ja kulturfálaldagáj.
Sámedigge gåhttju guovlulasj guláskuddamprosessajda ulmijn buktet åvddån dárbojt sáme fálaldagájda, årnigijda ja dåjmajda juohkka válggabijran. Guláskuddam galggá vuodov biedjat árvustallamij jus ja makkir láhkáj iesjguhtik sáme válggabijrra dárbaj nannusap jali ietjálágásj vuorodimijt boahtteájggáj ælládahtátjit, bisodittjat jali nannitjit sáme gielav ja sáme kultuvrav.
Maŋep jahkegávdan 2026 tjadát Sámedigge guláskuddamav Viestarmera válggabijran. Dát le nælját válggabijrra gånnå dákkir guláskuddam tjadáduvvá. Gålmmå jage duogen galggá tjadáduvvat guláskuddama gájkka Sámedikke válggabijrajn.
Masi sihtá Sámedigge vásstádusáv?
Sámedigge sihtá vuojnojt dárboj hárráj sáme bájkkesebrudagá ja ájnegisalmatjij hárráj ulmijn divvot vahágahttemav dárojduhttempolitihkas. La aj ájnas tjalmostit majt bájkálasj sáme akterra máhtti iesj máhtti dahkat, ja gåktu suohkana, vuona ásadusá ja organisasjåvnå máhtti vájkkudit, ja makkir dåjmajda Sámedigge bierri látjet dilev. Duodden sihtap mij gullat jus la dárbbo rievddadit jali nannit Sámedikke doarjjaårdnigijt.
Álmmuktjåhkanime
Sæmmi båttå gå la tjálalasj guláskuddam galggá tjadáduvvat niellja álmmuktjåhkanime válggabijran:
- Ájluokta: Bårggemáno 26. b. kl. 18-20, Árran - Njárgga 33, 8270 Ájluokta
- Sálat: Bårggemáno 27. b. kl. 18-20, Nordland nasjonalparksenter - Saltfjellveien 2035, 8255 Røkland
- Suorttá: Ragátmáno 9. b. kl. 18-20, Kulturfabrikken - Strandgata 1, 8400 Sortland
- Áhkánjárgga: Ragátmáno 10. b. kl. 18-20, Narvik bibliotek - Kongens gate 39, 8514 Narvik
Álmmuktjåhkanime dålkkuduvvi sámegiela ja dárogiela gaskan Interactio ehpa baktu. Válde fáron ietjat bælljasijt jus sidá ávkkit dålkkumis.
Káffatjåhkanime
Duodden álmmuktjåhkanimijda sjaddi guokta káffatjåhkanime, gånnå aj sjaddá máhttelisvuohta buktet vuojnojt:
- Ruoŋgo: Ragátmáno 10. b. kl. 12:30-14:00, Spansdalen grendehus
- Skánik: Ragátmáno 11. b. kl. 12:00-14:00, Várdobáiki
Diehto bájke birra ja praktihkalasj diedoj hárráj almoduvvá rijmon Sámedikke næhttabielen ja mijá sosiála medijájn gå la gárves. Ájge máhtti rievddat – tjuovvola mijá iehtjama kanálajn ådåsamos diedoj gáktuj.
Álmmuktjåhkanime ja káffatjåhkanime li ráhpasa gájkajda.
Gåktu oassálasstet guláskuddamin?
Gájka gut sihti, máhtti rádjat tjálalasj guláskuddamvásstádusáv sjiemá baktu mij vuojnnu vuollelin.
Jus ij máhte oassálasstet digitála sjiemá baktu, máhtá rádjat ietjat guláskuddamvásstádusáv påsta baktu.
Sámediggi –Sametinget
Postboks 3
9735 Kárášjohka/Karasjok
Guláskuddamvásstádusá li almulattja almulasjvuodalága milta ja almoduvvi Sámedikke næhttabielen.
Guláskuddamájggemierre la ragátmáno 18. b. 2026.