Dåhkkiduvvam válggalissta válggabijran 1 Lulle (PDF, 164 kB) (9 lista)
Dåhkkiduvvam válggalissta válggabijran 2 Ávjovárri (PDF, 212 kB) (10 lista)
Dåhkkiduvvam válggalissta válggabijran 3 Nuortta (PDF, 190 kB) (8 lista)
Dåhkkiduvvam válggalissta válggabijran 4 Gáisi (PDF, 194 kB) (9 lista)
Dåhkkiduvvam válggalissta válggabijran 5 Viestarmera (PDF, 182 kB) (8 lista)
Dåhkkiduvvam válggalissta válggabijran 6 Oarjjesáme (PDF, 179 kB) (6 lista)
Dåhkkiduvvam válggalissta válggabijran 7 Oarjje-Vuodna (PDF, 194 kB) (8 lista)
Sámedikke válgganammadusá jådediddje Anita Persdatter Ravna la riek dudálasj sámedikkeválga berustimes.
– Moadda belludagá li listajt tjuottjodam válggabijran gånnå åvdebut ælla adnám åvdåstimev. Dat nannit mijá demokratijjav Sámedikken. Vaddá jienastiddjijda stuoráp válljim máhttelisvuodajt gávnnat politihkav majt sij sihti doarjjat.
Válgganammadus la giehtadallam nágin ájnnegis åhtsåmusájt gånnå åhttse le åhtsåm bessat tjuodtjot sámedikkeválggalistajn. Åhtsåmusá li giehtadáladuvvam ja bessama li dåhkkiduvvam njuolgadusáj § 16 milta. Válgganammadus la aj giehtadallam avtav åhtsåmusáv sámepolitihkalasj organisásjåvnå dåhkkidibmáj. Dat dåhkkiduváj.
Nágin listajn la læhkám hásstalus gå lisstakandidáhta ælla åhtsåm tjáledimev jienastuslåhkuj, jali lisstakandidáhta ælla duodastam jåksij gájbbádusájt jienastuslågo tjáledibmáj. Lisstaævtodiddje lij de oadtjom máhttelisvuodav ådå lisstakandidáhtajt åttjudit ájggemierijn biehtsemáno 1. biejve. Gájkka listajn ma li dåhkkiduvvam kandidáhta li tjáleduvvam jienastuslågon jali dåhkkiduvvam jienastuslågo tjáledibmáj.
– Hávsske vuojnnet tjáledibme Sámedikke jienastuslåhkuj la lassánime. Moadda ådå lij tjáledahttám ietjas jienastuslåhkuj ja nomiereduvvam lisstakandidáhtan. Dát vuoset berustibme la lassánime oassálasstátjit ja vájkkudit mijá sámepolithkav.
Jus galga bessat jienastit sámedikkeválgan hæhttu liehket tjáledum Sámedikke jienastuslågon. Jus galga bessat jienastit tjavtja sámedikkeválgan, la ájggemierre tjáledittjat ietjas jienastuslåhkuj biehtsemáno 30. biejve 2021.
– Geldulasj sámediggeválgga la mijá åvdån. Tjáledahte ietjat jienastuslåhkuj, navti máhtá dån oassálasstet sámepolithkalasj åvddånimen, hasot Sámedikke válgganammadusá jådediddje Anita Persdatter Ravna
Tjáledibme jienastuslåhkuj
Lågå ienebu Sámedikke válgganammadusá birra
Lisstoævtodusá 2021 sámedikkeválggaj
Guládallamulmusj: Sámedikke válgganammadusá jådediddje Anita Persdatter Ravna, mob. 91749555