Tjáledibme jienastuslåhkuj

Jus ájgo jienastit sámediggeválgajn, de hæhttup liehket tjáleduvvam Sámedikke jienastuslåhkuj. Jienastuslåhko ij la etnalasj registar, valla jus galga jienastit sámedikkeválgan hæhttu liehket tjáleduvvam Sámedikke jienastuslåhkuj. Jus galga tjáleduvvat Sámedikke jienastuslåhkuj, de hæhttu ietja diededit. Dån ij máhte nuppijt tjáledit ja e ga iehtjáda máhte duv tjáledit jienastuslåhkuj.

Gájka gudi tjáledi jut ietjasa sábmen dåbddi, ja gænna juogu

a) Suv sijddagiella le sámegiella*
b) Sujna le, jali læhkám li æjgáda, áhkko ja áddjá jali máttaráhko ja máttarádjá gænna le/lij sámegiella sijddagiellan
c) Le bárnne/niejdda ulmutjij gudi le jali åvdebut le læhkám jienastuslågon

*Sijddagiellan merkaj dat giella mij lij anon sijdan bajássjaddamin. Álu aneduvvá báhko iednegiella. Jus ienep giela aneduvvin sijdan bajássjaddamin, galggá sámegiella liehket akta dajs.

Divna sámijn Vuonan, gudi li badjel 18 jage jali dievddi 18 jage válggajage, la rievtesvuohta tjáledit ietjasa jienastuslåhkuj. Ietjá nuorttarijkaj stáhtaviesáda gudi li sáme, máhtti ietjasa tjáledit jienastuslåhkuj jus sij válggajage biehtsemáno 30. Biejve li álmmukregisstarij diededam jut Vuonan årru.

Sáme gudi ælla nuorttarijkajn, máhtti ietjasa tjáledit válggajienastuslåhkuj jus sij álmmukregisstara diedoj milta li Vuonan årrum gålmmå maŋemus jage åvddål jienastimbiejve. 

Tjáledibme Sámedikke jienastuslåhkuj la guovdásj dásen álmmukregisstarin, ja jus jåhtemav diededa álmmukregisstarij, de tjáledibme tjuovvu jåhtemav. Jus i diededa jåhtemav álmmukregisstarij, de huoman dåssju årrombájkke mij la álmmukregisstarin guosská.

Tjáledibme Internehta baktu 

Jus ájgo ietjat tjáledit jienastuslåhkuj internehta baktu, de hæhttu loggit sisi ID-portállaj/MinID. Gå ájgo tjáledit, de soajtá bivdeduvvá dagátjit allasit addnenamáv ja bessambágov almulasj ID-portálan. Gå dav dagá, de besa Sámedikke næhttabiele digitála sjiemájda. Ij la Sámedigge mij gájbbet dahkat addneprofijlav, valla DIFI.

Sámedigge adná álmmukregistrieriduvvam adressav jienastuslågon. Dav dahká gå válggajienastuslåhko vaddá jienastimriektáv, ja dujna l jienastimriektá dan suohkanin gånnå álmmukregisstara diedoj milta åro. 

Jus adræssa vájllu, de dævdá iesj ietjat álmmukregistrieriduvvam adressav ietjat profijllaj. Dieddela «rediger profil» badjen oalges bielen, ja dåhku tjálá ietjat adressav. Jus dat ij dåjma, de dieddela «slett bruker» gå la «rediger profil» vuolen, de automatihkalattjat loggi ålgus. Gå de vas loggi sisi, de hæhttup ådåsis divna diedojt dievddet.

Diededibme Sámedikke jienastuslåhkuj

Tjáledibme páhpersjiemá baktu

Viettja pdf-sjiemáv vuollelin, dievde dav ja sáddi dav dievdeduvvam ja vuolláj tjáleduvvam Sámediggáj.

Tjáledimsjiebmá (julevsáme-dáro)  (PDF, 198 kB)

Návti giehtadallá Sámedigge tjáledimijt  

Sámedikke háldadus giehtadallá åhtsåmusájt tjáledibmáj Sámedikke jienastuslåhkuj, ja da giehtadaláduvvi háldadimlága ájnegismærrádusáj njuolgadusáj vuodon. 

Buoremus máhttelis ássjegiehtadallama hárráj ávttji Sámedigge juohkkahattjav guhti diededimev tjáledibmáj buktá, biedjap maŋen nuoges diedojt ja duodastusáv jut ævtojt dævddá. Jus diedo vádne le, de Sámedigge sáddi girjev ja bivddá ienep diedojt. 

Besa diedojt åhtsåt sámegiela birra sijddagiellan álmmukregisstarin, girkkogirjijn, berajgirjijn jali bájkegirjijn. Máhttá aj diedojt åhtsåt digitálarkijvajn ma internehtan gávnnuji. 

Dánna máhtá åhtsåt Digitalarkijvan   

Dánna máhtá åhtsåt álmmuklågojn jages 1865, 1875, 1900 ja 1910 – Registrerimguovdátja histåvrålasj diehto tjoahkke   

Jus dujna li sáme mátto ietjá rijkajn gå Vuonan, de máhtá aktijvuodav válldet dan rijka stáhtaarkijvajn.

Sámedigge dárkes diedojt, ja oattjo girjev jus gájbbádus dåhkkiduvvá. Sámedikke ássjegiehtadallamájgge l suláj gålmmå máno. 

Tjáledim ájggemierre

Jus ájgo sámediggeválgajn jienastit, de la tjáledim ájggemierre biehtsemáno 30. B. válggajage. Dán ájggemærráj galggá Sámedigge oadjot diedojt giehtaj, danen hæhttup buorre ájgen tjáledimev sáddit.  

Tjáledibme sihkoduvvat Sámedikke jienastuslågos 

Jus sidá sihkoduvvat Sámedikke jienastuslågos, de loggi sisi ID-portálaj/MinID ja dævdá sjiemáv:

Sihkoduvvat Sámedikke jienastuslågos

Hilgodime gujddim      

Jus duv åhtsåmus Sámedikke jienastuslåhkuj la hilgoduvvam, la dujna riektá gujddit hilgodime. Gujddim rája duvvá sjiemá baktu gålmmå vahko maŋŋel hilgodime. 

Gujddim jienastuslågo tjáledime hilgomij   

Jali påsta baktu:   

Sámedigge - Sametinget       
Postboks 3       
9735 Kárášjohka      

Bagádallam 

Jus dujna li gatjálvisá jali dárbo bagádallamij, válde aktijvuodav Sámedikkijn tlf. 78 47 40 00, jali e-påsta baktu: samediggi@samediggi.no