Ohccit fertejit logget sisa ID-porten bokte.

Ohcanskovvi (gáibida sisaloggema)

Vuoruheamit 2025:s

• Giellaovdánahttinprošeavttat (earret eará prošeavttat dego sámástahtte).
• Báikkálaš ovdánahttinprošeavttat main sámi árbevirolaš bargu deattuhuvvo.
• Sámegielat mánáidgárdefálaldagaid ásaheapmi.

Gii sáhttá ohcat

• Sámi mánáidgárddit ja mánáidgárddit main lea sámi ossodat.
• Mánáidgárddit mat leat ohcan ja ožžon doarjaga sámi giellaoahpahussii.
• Fitnodagat, ásahusat ja organisašuvnnat mat ožžot doarjaga galget leat registrerejuvvon Norgga Ovttadatregistarii.

Meroštallannjuolggadusat

• Doarjja meroštallojuvvo vuođustuvvon ohcama ja prošeaktačilgehusa vuođul, gitta 300 000 ru rádjái buot prošeavttain earret sámi mánáidgárdefálaldaga ásahanprošeavttain mat sáhttet oažžut gitta 500 000 ru doarjjan. Doarjaga vuolit rádji lea 30 000 ru.
• Dohkkehuvvon golut prošeavttas:
  • Bálká sámi resursaolbmui.
  • Bálká sámegielat bargiide.
  • Geavahusmateriála ja pedagogalaš materiála oastin mat geavahuvvojit plánejuvvon doaibmabijuid čađaheamis nannen várás sámi giella ja kultuvrra.
  • Gelbbolašvuođa lokten sámegielas, sámi kultuvrra ja árbevirolaš bargguid birra.
• Ii addojuvvo doarjja čuovvovaččaide: bajásdoallamii, spesifiserekeahtes goluide, ja goluid čadnon doaimma beaivválaš doibmii, sosiála goluide, investeremiidda ja čielga lonuhemiide. Earret sámi mánáidgárdefálaldaga ásaheapmái čadnon investeremiidda.
• Sámediggi sáhttá máksit doarjaga gitta 100 % dohkkehuvvon goluin, bajimuš doarjjamearri lea 300 000 ru. Sámediggi sáhttá máksit doarjaga gitta 100 % dohkkehuvvon goluin ođđa sámi mánáidgárdeásaheami oktavuođas, bajimuš doarjjamearri lea 500 000.

Dán ortnega njuolggadusat

1 Doarjjaortnega mihttomearri ja vuoruheamit

1.1 Doarjjaortnega mihttomearri

• Mánáidgárddit ožžot buoret kvalitehta sámi gielas ja kulturbarggus.

1.2 Vuoruheamit

• Giellaovdánahttinprošeavttat (earret eará prošeavttat dego sámástahtte).
• Báikkálaš ovdánahttinprošeavttat main sámi árbevirolaš bargu deattuhuvvo.
• Sámegielat mánáidgárdefálaldagaid ásaheapmi.

1.3 Ulbmilolahusa eavttut

• Nannen kvalitehta sámi giella ja kulturbarggus mánáidgárddis
• Prošeakta lea nannen sámegiela geavaheami
• Prošeakta lea nannen bargiid gelbbolašvuođa sámi kultur ja árbevirolaš bargguin
• Eanet sámi mánát leat oasálastan ja beassan ovdánahttit iežaset giela, kultuvrra ja iežaset sámi identitehta.
• Prošeavtta/ doaimma bohtosat sáhttet adnojuvvot/ fievrreduvvot mánáidgárddis.

2 Ohcama hápmi ja sisdoallu

2.1 Doarjjaoažžu / Gii sáhttá ohcat

• Sámi mánáidgárddit ja mánáidgárddit main lea sámi ossodat.
• Mánáidgárddit mat leat ohcan ja ožžon doarjaga sámi giellaoahpahussii.
• Fitnodagat, ásahusat ja organisašuvnnat mat ožžot doarjaga galget leat registrerejuvvon Norgga Ovttadatregistarii.

2.2 Ohcanáigemearri

• Sámediggeráđđi mearrida ohcanáigemeari.
• Ohcamat mat leat sáddejuvvon maŋŋil dán dáhtona eai realitehtameannuduvvo.

2.3 Gáibádusat ohcamii

• Ohcan galgá sáddejuvvot Sámedikki doarjjaportála bokte.
• Ohcamat mat eai deavdde ohcaneavttuid sáhttit ohcat hilgojuvvojit.
• Ohcan galgá leat Sámedikki doarjjaortnega vuoruhemiid siskkobealde.
• Prošeaktačilgehus mii čilge prošeavtta ulbmila, fágalaš sisdoalu, ulbmiljoavkku, ovdánanplána, gollomeroštallan, ruhtadanplána ja plánejuvvon gárvvistanáigemeari galgá čuovvut ohcama.
• Ohcamis galgá leat čilgehus movt guoddevašvuohta/birgejupmi lea áimmahuššon prošeavttas.
• Sus guhte vuolláičállá ohcama, ferte leat fápmudus geatnegahttit fitnodaga/ásahusa.
• Ohcan ferte leat sáddejuvvon Sámedikki doarjjaportálii ovdalgo prošeakta/doaibma lea álggahuvvon. Dán gáibádusa sáhttá garvit jus mánáidgárdi lea oassálastán geahččalanmánáidgárdin SáMOS prošeavttas.
• Ohcci lea geatnegahtton addit buot dieđuid mat leat dárbbašlaččat ohcama meannudeapmái.

3 Ohcamiid meannudeapmi

3.1 Ohcamiid meannudeapmi

Sámedikkis lea váldi ieš árvvoštallat ohcama relevánssa doarjjaortnega eavttuid ja vuoruhemiid ektui, ja eará relevánta áššiid ektui. Sámediggi árvvoštallá prošeavtta čuovvovaččat:

• Ohcamat árvvoštallojuvvojit doarjjaortnega mihttomeari ja vuoruhemiid vuođul.
• Ohcamat árvvoštallojuvvojit guoddevašvuođa, ekonomalaš, márkanlaš, teknihkalaš, servodatlaš, ehtalaš, fágalaš sisdoalu, ámmátčehppodaga ja kvalitehta, ja eará guoskevaš beliid vuođul. Earret eará árvvoštallojuvvo lea go prošeakta geavatlaččat čađahahtti.
• Sámediggi deattuha erenomážit dásseárvo- ja máŋggabealatvuođaperspektiivva áššemeannudettiin.

Ohcama meannudeami oktavuođas sáhttá Sámediggi:

• Sámediggi viežžá kredihttadieđuid ohcci birra.
• Váilevaš raporteremat ja gárvvisteami maŋŋoneamit ovddeš doarjjaáššiin sáhttet váikkuhit ohcama meannudeapmái.
• Iežas barggu viidodat galgá árvvoštallot dalle go ohcá ja čilgejuvvot ohcamis. Iežas barggus gáibiduvvo vuolláičállon diibmolistu ja mearriduvvon diibmobálká.
• Sámediggi váldá várašumi das ahte prošeavtta ohcansubmi ja viidodat sáhttá muddejuvvot oassin doarjjaruđaid ollislaš rámma árvvoštallamis.

3.2 Biehttaleapmi

Doarjjaortnegis eai leat rievttálaš vuođut. Ohccis ii leat riekti oažžut doarjaga vaikko devdet buot eavttuid oažžut doarjaga. Doarjjaohcama sáhttá maid biehttalit jus:

• Ohcan ii deavdde ortnega juolludaneavttuid, iige čuovo ortnega vuoruhemiid ja/dahje mihttomeari.
• Ohcan ii sáhte vuoruhuvvot Sámedikki ekonomalaš rámmaid siskkobealde.
• Ohcamis váilot dieđut mat gáibiduvvojit.
• Ovddeš juolludusain eai leat eavttut čuvvojuvvon, nappo ahte ohcci ii leat sádden raporttaid dahje ahte lea sádden váilevaš raporttaid.

3.3 Meannudanáigi

• Doarjjaortnegat main lea rabas ohcanáigemearri meannuduvvojit dađistaga ja golmma mánu sisa dan rájes og ohcan lea joavdan.
• Sámediggi sáhttá jearrat eanet duođaštusaid dahje dieđuid dárbbu go lea dárbu.

3.4 Mearrádus ja dohkkeheapmi

• Doarjjaoažžu galgá ovdal go lea gollan 3 vahku doarjjareivve dáhtona rájes dohkkehit doarjjaeavttuid Sámedikki doarjjaportála bokte. Jus Sámediggi ii oaččo eavttuid dohkkeheami, sáhttá doarjja sihkkojuvvot duođi eanet dieđitkeahttá.
• Sus guhte vuolláičállá doarjjaeavttuid, ferte leat fápmudus geatnegahttit fitnodaga/ásahusa.

3.5 Eavttut doarjjaožžui

• Doarjjaoažžu galgá almmuhit ahte Sámediggi lea dorjon prošeavtta/doaibmabiju.
• Seamma prošeakta/doaibmabidju ii sáhte oažžut doarjaga máŋga doarjjaortnega bokte Sámedikkis.
• Maŋŋá doarjjamearrádusa ii addojuvvo eanet doarjja seamma prošektii/doaibmabidjui.
• Doarjja galgá adnot daid ulbmiliid ja eavttuid mielde mat doarjjareivves bohtet ovdan.
• Doarjjavuođu ii sáhte rievdadit ovdalgo lea čálalaččat dieđihan Sámediggái ja ožžon dan dohkkehuvvot.
• Vejolaš ovttasbargoguoimmit galget dovdat doarjjaeavttuid.

3.6 Gárvvistanáigemearri

• Gárvvistanáigemearri lea jagi maŋŋil doarjjareive beaivádeami. Erenoamáš ákkaid vuođul sáhttá doarjjaoažžu čálalaččat ohcat guhkit áigemeari prošeavtta/doaibmabiju gárvvisteapmái, gitta ovtta jahkái. Ohcan galgá vuođustuvvot.

3.7 Rievdadusat doarjjaeavttuin

Doarjjaoažžu ii sáhte čađahit mearkkašahtti rievdadusaid guoskevaš prošeavttas dahje doaibmabijus ovdalgo lea čálalaččat dieđihan Sámediggái ja ožžon Sámedikki čálalaš dohkkeheami. Dohkkehuvvon ruhtadanplána ja investerenplána rievdadusat lohkkojuvvojit álo stuorábuš rievdadussan.

3.8 Máksineavttut

• Go mearrádus lea dohkkehuvvon, de sáhttá doarjjavuostáiváldi bivdit 50% juolluduvvon doarjagis máksojuvvot.
• Go prošeakta lea loahpahuvvon ja Sámediggi lea dohkkehan raporta ja rehketdoalu máksojuvvo 50% doarjagis.
• Jos ohcci ovdal lea ožžon doarjaga Sámedikkis ja doarjjaoažžu lea rihkkon doarjjaeavttuid, de sáhttá dat dagahit dan ahte máksimat bissehuvvojit dassážiigo eavttuid rihkkun lea nohkan.

Selvfølgelig! Her er den siste delen av teksten formatert som HTML: ```html

4 Meroštallannjuolggadusat, Definišuvnnat ja EEO-njuolggadusat

4.1 Meroštallannjuolggadusat

• Doarjja meroštallojuvvo vuođustuvvon ohcama ja prošeaktačilgehusa vuođul, gitta 300 000 ru rádjái buot prošeavttain earret sámi mánáidgárdefálaldaga ásahanprošeavttain mat sáhttet oažžut gitta 500 000 ru doarjjan. Doarjaga vuolit rádji lea 30 000 ru.
• Dohkkehuvvon golut prošeavttas:
  • Bálká sámi resursaolbmui.
  • Bálká sámegielat bargiide.
  • Geavahusmateriála ja pedagogalaš materiála oastin mat geavahuvvojit plánejuvvon doaibmabijuid čađaheamis nannen várás sámi giella ja kultuvrra.
  • Gelbbolašvuođa lokten sámegielas, sámi kultuvrra ja árbevirolaš bargguid birra.
• Ii addojuvvo doarjja čuovvovaččaide: bajásdoallamii, spesifiserekeahtes goluide, ja goluid čadnon doaimma beaivválaš doibmii, sosiála goluide, investeremiidda ja čielga lonuhemiide. Earret sámi mánáidgárdefálaldaga ásaheapmái čadnon investeremiidda.
• Sámediggi sáhttá máksit doarjaga gitta 100 % dohkkehuvvon goluin, bajimuš doarjjamearri lea 300 000 ru. Sámediggi sáhttá máksit doarjaga gitta 100 % dohkkehuvvon goluin ođđa sámi mánáidgárdeásaheami oktavuođas, bajimuš doarjjamearri lea 500 000.

4.2 Definišuvnnat

• Doaibmagollun lohkkojuvvojit: rehketdoallo- ja revišuvdnabálkkát, reantogolut, divadat, eará finánsagolut, vearro- ja divatgolut, elrávdnji, lokálagolut, dáhkádusat, penšuvdnagolut, sosiálagolut, eará bargiidgolut, stivrabálkkát, stivragolut, fitnodatčoahkkin- ja váldočoahkkingolut, árvonjeaidimat ja -geahpedeamit.
• Sosiálagollun lohkkojuvvojit: bargiid skeaŋkkat, bargiid kurssat, friija kantiidna ja eará sullasaš ovddut.
• Investeremin lohkkojuvvo oamastusoassi mii bistá ja man geavahanáigi lea 3 jagi ja gollohaddi lea 15 000 ru dahje eanet earret momssa (guoská momsageatnegasaide).
• Giellaovddidanprošeaktan lohkkojuvvojit prošeavttat mat váikkuhit dasa ahte mánáidgárddit aktiivvalaččat atnigohtet nanu giellaoahpahusmodeallaid, mat váikkuhit dasa ahte mánát šaddet aktiivvalaš giellageavaheaddjit, gč. Raportta Nanu giellamodeallaid birra (2022).
• Báikkálaš giellaovddidanprošeaktan lohkkojuvvojit prošeavttat mat váikkuhit nannet máná, bargiid, váhnemiid/ovddasteddjiid sámegiela báikkálaš sámi kultuvrra bokte. Okta giellaoahpahanvuohki sáhttá leat ahte mánáidgárddit geavahišgohtet resursaolbmuid giellamovttiideaddjin. Dát mearkkaša ahte ovtta dahje olu olbmuin lea ovddasvástádus earenoamážit bargat ahte giella geavahuvvo, nannejuvvo ja ovddiduvvo viidáseappot mánáidgárddis.
• Sámegielat mánáidgárdefálaldagain oaivvilduvvo sámegielat mánáidgárdi/ossodat mas njuolggadusain lea mearriduvvon ahte mánáidgárddi/ossodaga sisdoallu lea vuođđuduvvon sámi gillii ja kultuvrii. Mánáidgárdi/ossodat galgá nannet máná identitehta sápmelažžan sámegiela ovddideami, geavaheami ja ovdánahttima bokte. Mánáidgárdi/ossodaga jođihit sámegielat pedagogalaš bargit Mánáidgárddi bargit leat sámegielagat, ja jođihangiella lea sámegiella.

4.3 EEO-njuolggadusat

• Sámedikki doarjjaortnegat fertejit leat EEO-šiehtadusa njuolggadusaid rámmaid siskkobealde stáhta doarjaga ektui. Sámediggái gusket EEO-šiehtadusa mearrádusat seamma láhkai go stáhta- gieldda- ja fylkkahálddašeapmái dan ektui movt almmolaš doarjagat galget juolluduvvot.
• Doarjja juolluduvvo EEO-šiehtadusa njuolggadusaid vuođul binnánaš doarjagiid birra. Njuolggadusat binnánaš doarjagiid birra čuvvot 10.05.2024 nr 761. Dáid njuolggadusaid mielde ii sáhte doarjjaoažžu vuostáiváldit binnánaš doarjaga eanet go oktiibuot 300 000 Euro 3 jagi rehketdoallojagi áigodagas.
• Ovdalgo doarjaga sáhttá máksit ferte doarjjaoažžu duođaštit Sámediggái ahte ii oaččo binnánaš doarjaga eará sajis máksinjagi dahje guovtti ovddit jagiin mat oktiibuot Sámedikki doarjagiin gaskamearálaččat eai leat eanet go 300 000 Norgga ruvnno. Vejolaš ođđa almmolaš doarjjaohcamiid oktavuođas (beroškeahttá gos oažžu doarjaga) lea doarjjaoažžus geatnegasvuohta dieđihit dán doarjaga birra. Dieđihangeasku gusto 3 rehketdoallojagi fálaldatáigemeari rájes.

5 Rapporteren

5.1 Ulbmilolahusa rapporteren

• Rapporteren galgá dahkkot Sámedikki doarjjaportálas
• Doarjjavuostáiváldi galgá raporteret mo doaibmabidju lea čađahuvvon ja makkár bohtosat leat leamaš prošeavtta/doaibmabiju ulbmila ektui.
• Nannejuvvon kvalitehta sámi giella ja kultuvra barggus mánáidgárddis.
• Prošeakta lea nannen sámegiela geavaheami.
• Prošeakta lea nannen bargiid gelbbolašvuođa sámi kulturvrras ja árbevirolaš bargguin
• Galle sámi máná leat searvan ja beassan ovdánahttit iežaset giela, kultuvrra ja iežaset identitehta?
• Árvvoštallan movt prošeavtta/doaimma bohtosat sáhttet váldot atnui/ fievrreduvvot mánáidgárddis

5.2 Rehketdoalu rapporteren

• Rehketdoalu rapporteren galgá dahkkot Sámedikki doarjjaportála bokte.
• Rehketdoallu ruđaid geavaheamis galgá čájehit ollislaš goluid ja dietnasa. Dasa gullet prošeavtta/ doaibmabiju eará vejolaš doarjagat ja dietnasat. Rehketdollui galgá váldit mielde dušše dakkár goluid ja dietnasiid mat njuolga leat čadnojuvvon prošeavtta/doaibmabiju čađaheapmái.
• Dalle go lea dohkkehuvvon gollomeroštus, galgá rehketdoallu leat bardojuvvon nu ahte dan sáhttá buohtastahttit gollomeroštusain. Stuorra spiehkastagaid dohkkehuvvon gollomeroštusa ja rehketdoalu gaskka galgá kommenteret.
• Jos loahpalaš golut prošeavtta/doaibmabiju rehketdoalus leat unnit go dohkkehuvvon gollomeroštus mii boahtá ovdan mearrádusas, de unnida Sámediggi doarjaga vásttolaččat.
• Rehketdoallu ruhtageavaheamis galgá duođaštuvvot
  • Vuollel 100 000 ruvdnosaš doarjaga ruhtageavaheapmi galgá duođaštuvvot dohkkehuvvon rehkegiin ja báŋkoduođaštusain ahte rehket lea mákson. Det må sendes et prosjektregnskap som viser alle kostnader og inntekter for prosjektet opp mot godkjent kostnadsoverslag. Regnskapet skal utarbeides på bakgrunn av bilag, bilagene må være i nummerert rekkefølge i henhold til regnskapet.
  • Badjel 100 000 ruvdnosaš doarjaga ruhtageavaheami rehketdoalu galgá stáhtaautoriserejuvvon dahje registrerejuvvon revisora/rehketdoalli duođaštit.
  • Revišuvdnagáibádus ii guoskka ásahusaide maid suohkanrevišuvdna ja Riikarevišuvdna reviderejit.
  • Doarjjaoažžu gii leat registrerejuvvon momsaregistaris, galgá rehketdoalus čájehit goluid ja dietnasiid lassiárvodivada haga. Dát ii guoskka sidjiide geat leat luvvejuvvon lassiárvodivadis dahje ožžot spiehkastit lassiárvodivada rehkenastimis.
  • Iežas barggu raporterema oktavuođas gáibiduvvojit vuolláičállon diibmolisttut. Diibmolistu devdojuvvo Sámedikki doarjjaportálii.

5.3 Bearráigeahččan ja čuovvuleapmi

• Sámediggi sáhttá dárkkistit geavahuvvojit go ruđat eavttuid mielde.
• Sámediggi sáhttá bivdit eanet dieđuid. Dát guoská dieđuide mat galget geavahuvvot statistihkkii ja eará raporteremii.

5.4 Doarjaga ruovttoluotta máksin ja sihkkun

• Prošeavtta gárvvisteami oktavuođas galget geavatkeahtes doarjjaruđat máksot ruovttoluotta Sámediggái.
• Sámediggi gáibida doarjaga ruovttoluotta máksot jos dat lea máksojuvvon menddo ollu.
• Sámediggi geassá doarjjalohpádusa ruovttoluotta, dolle doarjaga dahje gáibida ahte doarjja máksojuvvo ruovttoluotta jos:
  • Doarjjaoažžu lea rihkkon dieđihangeaskku.
  • Doarjjaoažžu lea rihkkon dáid njuolggadusaid mearrádusaid.
  • Doarjja ii geavahuvvo doarjaga ulbmila mielde ja daid eavttuid mielde mat leat mearriduvvon doarjjareivves.
  • Lea gáibiduvvon heaittiheapmi, ovddiduvvon reastaluvvangohčus, priváhta dahje almmolaš vealgešiehtadallamat leat rahppojuvvon doarjjaoažžu ektui dahje doarjjaoažžu heaitá máksimis máksámušaidis.
  • Doarjjaoažžu lea vuovdán iežas investeremiid ovdal go vihtta jagi lea gollan. Dát guoská investeremiidda maidda Sámediggi lea juolludan doarjaga.
• Jos doarjjaoažžu dákkár oktavuođain ii mávsse ruovttoluotta, de sáhttá Sámediggi rievtti bokte gáibidit máksojuvvot dan mii lea buorrin. Jos ruđat eai máksojuvvo ruovttoluotta dan áigemeari sisa mii lea biddjojuvvon, de sáhttá gáibidit maŋŋoneami ovddas reanttuid vel lassin, gč. juovlamánu 17. b. 1976 lága nr. 100 reanttuid birra maŋŋonan máksima oktavuođas jna.