Norges Bygdekvinnelagas lea dál ovttasbargošiehtadus Utviklingsfondetiin (Ovddidanfoanddain). Ulbmil lea ávkkástallat nubbi nuppi vásáhusaiguin, resurssaiguin ja fierpmádagaiguin ovddidanprográmmas Guatemalas. Norges Bygdekvinnelag ja Utviklingsfondet leat bovden Guatemala organisašuvnna AMMID ovddasteddjiid fitnat Norgga. AMMID lea Guatemala eamiálbmogiid nissonorganisašuvdna. Sii áigot čájehit Sámedikki iežaset gussiide Guatemalas.