Prográmma

Bures boahtin dievasčoahkkinjođiheaddji Tom Sottinen bokte 

• Rahpanovdanbuktin  – Bellodatvuogádat rievdamis? Jo Saglie bokte, dutki I Institutt for samfunnsforskning i Oslo 
• SáhkavuorruNuorra jienasteddjiid movttidahttin searvat sámediggeválggaide Laila Haugom Nordfjell bokte (Master stáhtadieđus) 
• Sáhkavuorru - Antisismma: Gii dan vásiha, ja geaidda dat lea oaivvilduvvon? 
• Gažaldagat ja kommeanttat 
•  

Almmuheapmi oidno Sámedikki Web-tv:s: https://sametinget.no/webtv/

Girjji birra

«Sametingsvalget 2021: Et partisystem i endring?» gieđahallá Norgga sámediggepolitihka - erenoamážit dan mii dáhpáhuvai jagi 2021 válggaid oktavuođas, muhto maiddái sámepolitihka guhkes linnjáid. Dáhtavuođđo leat jienasteddjiidguorahallamat mat leat čađahuvvon juohke sámediggeválggas 2009 rájes, muhto maiddái eará gáldut nu go informánttaid jearahallamat. 

Sámediggeválggas 2021 jotkojuvvojedje muhtun oahpes minstarat ovddit válggain, muhto muhtun čielga rievdadusat maiddái oidno. Maŋŋá válgga orui Sámedikki bellodatvuogádat sakka rievdan: dan botta go Norgga Sámiid Riikkasearvi ja Bargiidbellodat ovdal ledje leamaš dat guokte stuorámus bellodaga, de šattai Nordkalottfolket dán vuoru nubbin stuorámus bellodahkan. Dat mielddisbuvttii maiddái polariserema - šattai stuorát gaska ja garraseabbo dássi guovtti stuorámus bellodagaid gaskkas. Gávcci kapihttala bokte gokča «Sametingsvalget 2021: Et partisystem i endring?» ovdáneapmi. Girjjis álggahuvvo álggahankapihttaliin 2021-válgga birra ja movt dan sáhttá ipmirdit historjjálaš perspektiivvas, ja joatká ovttain kapihttaliin juohke golmma stuorámus bellodaga birra, mas lea vuđolaš digaštallan bellodagaid ovdáneamis ja sin jienastuslogu analysain. Sierra kapihtal gieđahallá norgalaš sámepolitihka geográfalaš earuheaddji beliid, mat sáhttet daddjojuvvot vuojehit bellodatvuogádaga rievdadusaid. Guokte kapihttala leat politihkalaš oassálastima birra válggain ja válggaid gaskkas: okta bajilgeahčastatkapihtal, ja okta kapihtal mii čilge dárkileappot nuorra jienasteddjiid oassálastima válggaide. Maŋemus kapihtal gieđahallá guđe joavkkut sápmelaččaid gaskkas vásihit eanemus cielaheami ja vealaheami, maiddái geahčadettiin bellodagaid jienasteddjiidjoavkkuid.

Girji lea jurddašuvvon buohkaid várás geat beroštit sámi demokráhtalaš vuogádagas Norggas, muhto erenoamážit studeanttaide, dutkiide, journalisttaide ja politihkalaš aktiiva olbmuide.

Girjji doaimmaheaddjit leat Jo Saglie, dutki Institutt for samfunnsforskning i Oslo, Mikkel Berg-Nordlie, seniordutki OsloMet - Storbyuniversitetet/Stuoragávpotuniversitehta ja Torunn Pettersen, dutki Sámi allaskuvllas.