Prográmma (PDF, 131 kB)
Holth & Winge AS lea ovttasráđiid Norgga Boazosápmelaččaid Riikkaservviin (NBR) ja Gávcci AS:in ráhkadan juridihkalaš čielggadeami, mii čalmmustahttá suohkanlaš plánaproseassaid ja konsešuvdnaproseassaid maid ráđđehusa mearrádus ”Kraftløft for Finnmark” lea vuolggahan. Čielggadeapmi almmuhuvvui ođđajagimánu 15. beaivvi 2026.
Loga čielggadeami: Vindkraftprosesser i Finnmark, utredning Holth&Winge (PDF, 4 MB)
Finnmárkkus eai leat goassige leamaš ná olu bieggafápmohuksenplánat go dál, mat mielddisbuvttáše stuorát areálarievdadusaid go goassege ovdal. Raporta čájeha maiddái mii duođai dáhpáhuvvá suohkaniid plánaproseassain ja konsešuvdnameannudemiin ja movt dát váikkuha boazodollui, vuoigatvuođageavaheapmái ja Finnmárkku báikegottiide. Vaikko čielggadeapmi guoská dilálašvuođaide Finnmárkkus, de leat máŋga oasi raporttas mat sáhttet guoskat dasa movt meannudit eará vuoigatvuođalaččaiguin dákkár proseassain muđuid riikkas.
«Čielggadeapmi váldá ovdan guovddáš digaštallanfáttáid Finnmárkku bieggafápmoproseassain, erenoamážit movt fuolahit sámi beroštumiid proseassain maid plána- ja huksenláhka ja energiijaláhka vuolggahit. ...] Dat áššit maid čielggadeapmi lea guorahallan, čájehit ahte álgomuttus plánaproseassain Finnmárkkus, eambbo čielggadit galget go konkrehta prošeavttat dohkkehuvvot vai eai, eai ge leat áŋkoraston báikkálaččat. Dát sáhttá hástalit lága áigumuša ja maiddái lobálaš ja rabas proseassaid prinsihpa.» Holth&Winge
«Mii ballat ahte prošeavttain maid leat guorahallan, álgoálggus juo leat dahkkon boasttuvuođat maid lea váttis njulget go ná guhkes leat ollen..» Holth&Winge