Sáme giellaguddnebálkká Gållegiella Ellen Pautamoj ja Jonar Thomassonaj

Sáme giellaguddnebálkká Gållegiella Ellen Pautamoj ja Jonar Thomassonaj

Ellen Pautamo (Ergon Máreha Ánne Elle-Máret) Tamperis ja Jonar Thomasson Limingenia guddneduvvi jage 2020 nuorttarijkalasj Gållegiella guddnebálkájn sámegielaj åvddånahttemis.

Sámegiela ja kultuvra lektåvrrå Ellenav Pautamo oadtju Gållegiella guddnebálkáv ietjas bargos nuorttasámegiela åhpadiddjen. Giellatjiehppe Jonar Thomassonaj oadtju guddnebálkká ietjas bargos oarjjelsámegiela hárráj.BildeKlikkForStorVersjon 

Justijssaministar Anna-Maja Henriksson almodij gudi guddnebálkáv oadtjon uddni Helsingijn gå Vuona, Svieriga ja Suoma sámeássje vásstediddje minisstara ja sámedikkij presidenta lidjin tjåhkanam aktisasj tjåhkanibmáj.

– Vájmulasj gijto goappásj guddnebálkká vuosstájválldijda ietjas ájnas bargos sámegiela åvddånimes. Sávav, jut Pautamo ja Thomassona barggo låppti berustimev sámegielajn ja kultuvrajn, sjaddusa de árvvon, javlla justijssaministar Anna-Maja Henriksson.

Ellen Pautamon la sierra árvvo gå guosská sáme gájdosåhpadime åvdedimev. Sån barggá Sáme åhpadusguovdátjin virtuálaskåvlån sámegiela ja kultuvra lektåvrrån. Pautamo la tjiehpes, sjuggelis ja måvtåstuhtte åhpadiddje, guhti aj doajmmá åhpadiddjen åhpadiddjeåhpadusán.

Jonar Thomasson la giellatjiehppe ja dåbdos giellagálldo, guhti gaskos sihke sámegielav ja sáme kultuvrav histåvrå vásádusájt. Thomasson la åvdedam sámegiela bisodimev ja åvddånahttemav oarjjelsámegiela dokumentierima baktu. Sån la tjoaggám Mojhtsijstie-girjjásis subttsasij, bágojt ja báhkotsåmijt oarjjelsámegiellaj.

Guddnebálkká la 15 000 euro stuorre. Dán jage guddnebálká oadtjo libá guovtes, navti guddnebálkká juogeduvvá Pautamo ja Thomassona gaskan.

BildeKlikkForStorVersjon