Konsultašuvdnaprosedyraid mearrideami duogáš lei álgoálbmogiid vuoigatvuohta oažžut konsultašuvnnaid dakkár áššiin, mat sáhttet njuolga guoskat sidjiide, gč. ILO-konvenšuvnna nr. 169 artihkkala 6. ILO-konvenšuvnna nr. 169 álgoálbmogiid ja čearddalaš álbmogiid birra iešheanalaš stáhtain, artihkal 6.

Dál lea konsultašuvdnageatnegasvuohta nannejuvvon sámelágas kapihtal 4, mii bođii fápmui suoidnemánu 1. b. 2021. Mearrádusat leat vuođđuduvvon 2005 konsultašuvdnašiehtadussii ja dat viidásetfievrridit ja nannejit daid prinsihpaid mat ásahuvvojedje stáhta eiseválddiid ja Sámedikki gaskasaš prosedyraid bokte.

Konsultašuvdnageatnegasvuohta Sámelága kapihtal 4 mielde

Sámelága kapihtal 4 mearrida daid lágalaš rámmaid mat leat konsultašuvnnaid várás almmolaš eiseválddiid ja sámi beroštumiid gaskka. Mearrádus mudde mo ráđđádallamat galget čađahuvvot, ja geatnegahttá stáhta eiseválddiid, fylkkagielddaid ja gielddaid konsulteret Sámedikki ja eará ovddasteddjiid dakkár áššiin, mat sáhttet váikkuhit sápmelaččaide njuolga.

Konsultašuvdnageatnegasvuohta galgá sihkkarastit árra gulahallama, duohta mielváikkuheami ja ahte sámi beroštumit leat integrerejuvvon oassin mearrádusvuđđui ovdalgo mearrádus dahkkojuvvo. Geatnegasvuohta mearkkaša ahte proseassa čađahuvvo buriin jáhkuin ja dainna ulbmiliin ahte olahit ovttamielalašvuođa.

Loga Sámelága kapihtal 4 Konsultašuvnnat

Lea maiddái ráhkaduvvon bagadus stáhta eiseválddiid konsultašuvnnaide Sámedikkiin ja vejolaš eará sámi beroštumiiguin.

Loga bagadusa stáhta eiseválddiid konsultašuvnnaid birra Sámedikkiin ja vejolaš eará sámi beroštumiiguin