Duogáš konsultašuvdnaprosedyraid mearrideapmái lea álgoálbmogiid vuoigatvuohta konsulterejuvvot áššiin main sáhttá leat njuolga mearkkašupmi sidjiide, gč. ILO-konvenšuvnna nr 169 álgoálbmogiid ja čearddalaš álbmogiid hárrái iešmearrideaddji stáhtain, guđát artihkal. 

Šiehtadusas konsultašuvdnaprosedyraid birra stáhta eiseválddiid ja Sámedikki gaskka, leat mearriduvvon prosedyrat movt konsultašuvnnat stáhta eiseválddiid gaskka galget dahkkojuvvot. Suoidnemánu 1. b. 2005 mannosaš gonagaslaš resološuvnnas nannejuvvui ahte šiehtaduvvon prosedyrat galget gustot olles stáhtahálddašeapmái. 

Stáhta eiseválddiin lea geatnegasvuohta konsulteret maiddái eará sámi beroštumiiguin njuolga lassin Sámediggái. Dát guoská erenoamážit áššiide mat njuolga guoskkahit sámi ealáhusaid, nugo boazodoalu. 

Loga eanet: Avtalen om prosedyrene for konsultasjoner mellom statlige myndigheter og Sametinget.

Maiddái konsultašuvdnabagadus lea ráhkaduvvon: Veileder for statlige myndigheters konsultasjoner med Sametinget og eventuelle øvrige samiske interesser.