Gielddat ja eará plánaeiseválddit galget plánabarggusteaset sihkkarastit sámi kultuvrra, ealáhusbarggu ja servodateallima luondduvuđđosa, gč. plána- ja huksenlága (Lov om planlegging og byggesaksbehandling, § 3-1.)
Plánaeiseválddit galget fuolahit ahte doaibmabijut ja huksemat eai leat áittan luondduvuđđosii. Sámi kulturbargu ja ealáhusat mat leat áitojuvvon ja garra deattu vuolde, nugo kulturvuđot ávkkástallan, meahcceealáhusat, mearrasámi guolástus ja lotnoladoallu ja boazodoallu, fertejit erenoamážit vuhtii váldojuvvot plánabarggus.