2015 čavčča nammadii Sámediggeráđđi resursajoavkku mii galgga geahčadit mo dálá meahcceresurssaid hálddašeapmi lea heivehuvvon meahcásteddjiid dárbbuide. 

Bargojoavkku raporta čilge movt dálá njuolggadusat ja hálddašeapmi leat heivehuvvon meahcceresurssaid geavaheami ja suodjaleami báikkálaš árbevieruide ja riekteipmárdussii. Lea veara mearkkašit movt bargojoavku iežas raporttas váldá adnui sámi sániiid nugo ávkkástallat ja birgejupmi čilget sámi meahccegeavaheami ja dán mearkkašumi.

Meahcci - identitehta, kultuvrra ja birgejumi vuoddun - Raporta sámedikki meahccebargojoavkkus, guovvamánu 29.b.2016. (PDF, 778 kB)