Gustovaš minerálalágas eai leat mearrádusat mat sihkkarastet ahte sámi vuoigatvuođat ja beroštumit deattuhuvvojit ja váldojuvvojit vuhtii olles árbevirolaš sámi guovllus.
Lágas maid eai leat mearrádusat mat sihkkarastet duohta konsultašuvnnaid mearrádusain, lobiin ja doaibmakonsešuvnnain. Sámediggi oaivvilda ahte minerálaláhka ferte rievdaduvvot nu ahte lea vejolaš konstruktiiva ovttasdoaibmat mineráladoaimma ektui sámi guovlluin.