Luondduvalljodatlága ulbmilparagráfas nannejuvvo ahte luondu galgá adnojuvvot ávviris ceavzilis geavaheami ja suodjaleami bokte, maiddái vuođđun sámi kultuvrii. Dasto dárkilastojuvvo ahte eiseválddit galget deattuhit árbedieđuid mat sáhttet váikkuhit ceavzilis geavaheami ja luondduvalljodaga suodjaleami, ja dasto ahte doaibmabijut galget árvvoštallojuvvot sámi beroštumiid ektui. 

Sámedikki dievasčoahkkin lea miehtán luondduvalljodatláhkii. Sámediggi bargá oktilaččat ja fuolaha ahte áigumušat earret eará ulbmilparagráfas doahttaluvvojit lága implementeremis.

Loga eanet Luondduvalljodatlága birra