ON konvenšuvdna biologalaš valljodaga birra (CBD)Konvenšuvdna biologalaš valljodaga birra lea riikkaidgaskasaš šiehtadus man ulbmilin lea suodjalit biologalaš valljodaga, sihkkarastit biologalaš resurssaid ceavzilis geavaheami ja daid buriid govttolaččat ja rievttalaččat juohkima mat čuvvot genehtalaš resurssaiguin ávkkástallama. ON konvenšuvdna biologalaš valljodaga birra bođii fápmui Norggas juovlamánus 1993. Álgoálbmogiidda leat erenoamážit artihkkalat 8 (j) ja 10c deaŧalaččat. Artihkkalat geatnegahttet stáhtaid árvvus atnit, suodjalit ja bisuhit álgoálbmogiid ja báikegottid máhtolašvuođa, innovašuvnnaid ja geavahusa, mat ovddastit árbevirolaš deaŧalaš eallinvugiid biologalaš valljodaga suodjaleami ja ceavzilis geavaheami ektui. Stáhtat galget maiddái suodjalit ja movttiidahttit biologalaš resurssaid boaresvirot geavaheami árbevirolaš kultuvrralaš vugiid mielde, main lea oktavuohta suodjaleami ja ceavzilis geavaheami eavttuide Loga eanet ON konvenšuvnna birra biologalaš valljodaga birra (CBD)