Sámediggi oaivvilda ahte árvoháhkama láhčin álbmotmehciin ja eará stuorát suodjalanguovlluin galgá dáhpáhuvvat dakkár vuogi mielde mii goziha dáláš sámi ealáhusaid. Sámediggi áigu bargat dan ovdii suodjalanguovlluin mat leat ásahuvvon árbevirolaš sámi guovlluin:

•  eanet johtima láhčin ja ođđa ealáhusdoaibma ii galggá čuohcat dáláš sámi ealáhusaide iige geavaheaddjijoavkkuide, almmá ahte vuos leat geahččan makkár váikkuhusat das leat sámi kultuvrra ja ealáhusbarggu vuođđuvuđđosii.
• árvoháhkamis galgá leat ávki sámi vuoigatvuođaoamasteddjiide.
• sámi báikegottiid dárbu biddjojuvvo ovddabeallái gussiid ja ođđa geavaheaddjijoavkkuid dárbbuid suodjalanguovlluid geavaheami láhčima oktavuođas.
•  diehtojuohkinávdnasat suodjalanguovlluid birra galget váikkuhit dan ahte guossit ožžot máhtu ja áddejumi guovllu sámi geavaheami birra.
• sámi mátkeealáhusain leat vejolašvuođat ovdánit suodjalanguovlluin.

Eanet Sámedikki suodjalanguovlopolitihka birra dás: Nu guhká go mis leat eatnamat - Sámediggediedáhus areála ja birrasa birra (PDF, 4 MB)