ILO-169 guđát artihkal ásaha geatnegasvuođa stáhtii konsulteret sámiiguin dalle go árvvoštallojuvvojit mearriduvvot lágat dahje váldojuvvot atnui hálddahuslaš doaibmabijut main sáhttá leat njuolga mearkkašupmi sidjiide.  

Sámedikki ja birasgáhttendepartemeantta gaskka lea jagi 2007 rájes leamaš šiehtadus movt suodjalanplánaproseassa galgá dahkkojuvvot sámi guovlluin. Šiehtadusa mielde lea sámiin ja báikegottiid olbmuin váikkuhanvejolašvuohta suodjalanguovlluid ásaheapmái, ja dat lea oppalaš konsultašuvdnašiehtadusa heiveheapmi. 

Buohkain geaidda suodjalanplánat gusket lea vuoigatvuohta searvat. Šiehtadusas leat earret eará njuolggadusat bargolávdegotti ásaheami birra mas galgá leat sámi ovddastus. Dát sihkkarastá ahte njuolga guoskevaš sámi vuoigatvuođaoamasteaddjit ja sámi beroštumit sáhttet njuolga searvat suodjalanproseassain. Stáhta eiseválddit galget maiddái konsulteret sámi beroštusorganisašuvnnaid ja vuoigatvuođaoamasteddjiid njuolga. 

Loga eanet šiehtadusa birra