Juohke suodjalanguovllu, sihke álbmotmehciid, eanadatsuodjalanguovlluid ja luonddureserváhtaid várás mearriduvvo sierra láhkaásahus ja guovllut hálddašuvvojit suodjalanláhkaásahusa vuođul. Suodjalanláhkaásahusas lea earret eará daddjojuvvon guđe luonddu- ja kulturárvvut galget gozihuvvot, suodjalanguovllu rájit, guoskevaš giddodagat ja mearrádusat guovllu geavaheami birra. 

Suodjalanláhkaásahusaid ráhkadeami oktavuođas konsultere Sámediggi ovddasvástideaddji eiseválddiiguin suodjalanevttohus birra. Suodjalanbarggu prosedyrat lea šiehtadusas Sámedikki ja Dálkkádat- ja birasdepartemeantta gaskka suodjalanplánabarggu njuolggadusaid birra sámi guovlluin. 

Sámediggi bargá dan ala ahte árbevirolaš sámi geavaheapmi bisuhuvvo ja ovddiduvvo maiddái suodjalanguovlluin dainna lágiin ahte luondduvalljodat gozihuvvo. Sámi geavahusa ain bisuheapmái suodjalanguovlluin lea earret eará luondduválljodatlága § 34 deaŧalaš. Das nannejuvvo earret eará ahte «Verneforskriften skal ikke være til hinder for å videreføre bærekraftig bruk som bygger opp under verneformålet i et område».

Eanet Sámediggi suodjalanguovlopolitihka birra gávnnat sámediggedieđáhusas areála ja birrasa birra (PDF, 4 MB)

Loga maiddái: 

Perspektiver til fremtidig areal- og miljøpolitikk i Sápmi (PDF, 4 MB)

Dieđut iešguđet álbmotmehciid birra

Dieđut eará suodjalanguovlluid birra