Sámit leat ássan meara rájes siseatnama rádjai, ja leat ávkkástallan luondduresurssaiguin iešguđege láhkai. Dat go máhttá buohtastahttit sierra diliid ja geavahusvugiid meahcis - lea mis dovdomearkan sámiid eallineavttuide. Maiddái odne oidnet sámi nuorat dás árvvu, ja gártadit alcceseaset máhtu meahcásteami birra johtima ja orruma bokte árbevirolaš geavahusguovlluin. 

Mihttomearrin lea ahte sámi meahcásteapmi dohkkehuvvo ja beassá ovdánit boahtteáiggis. Sámediggi áigu oainnusmahttit árbevirolaš ávkkástallama, sihke ealáhusdoarjaga bokte dállodollui, kulturguoddin ja identitehta dovdomearkan. 

Sámediggi áigu bargat dan ala ahte čielgaseappot lágalaččat dohkkehit meahcásteami sámi kultuvrra ávnnaslaš vuođđun.

Loga raportta Sámedikki meahccebargojoavkkus (2016): Meahcci - identitehta, kultuvrra ja birgejumi vuođđun:
Meahcci - identitehta, kultuvrra ja birgejumi vuoddun - Raporta sámedikki meahccebargojoavkkus, guovvamánu 29.b.2016. (PDF, 778 kB)

Loga Sámediggedieđáhusa areála ja birrasa birra:
Nu guhká go mis leat eatnamat - Sámediggedieđáhus areála ja birrasa birra (PDF, 4 MB)

Loga sámediggeráđi čilgehusa luosa birra (PDF, 492 kB)

Loga Diddi, luosjuolgi, goadjin ja duovvi. Sámediggediedáhus luosa birra 2021 (PDF, 3 MB)