Árbevirolaš geavaheapmi ja lagašvuohta lundui leat áiggi mielde rievdan ja mohtorjohtalus lea okta mii dan čájeha.
Ollugiidda mis lea mohtorjohtalus meahcis okta vuohki movt joatkit min máttuid meahccegeavaheami ja mehciin ávkkástallama. Máhttu meahcceresurssaid ektui lea bisuhuvvon ja lea sirdášuvvan johtalusa, ávkkástallama ja leahkima bokte eanadagas.
Meahcáteapmái searvan mearkkaša maiddái ahte oažžut kultuvrralaš ja gielalaš gelbbolašvuođa eanadaga birra mii lea hábmen min ja min árvvuid ja máilmmigova.