Dain guovlluin gos sámit árbevirolaččat leat doaimmahan mearraluossabivddu, lea dat áibbas deaŧalaš ja dárbbašlaš lotnolasealáhus ja birgenláhki. Luossariggodagat galget hálddašuvvot nu ahte maiddái boahttevaš buolvvat ožžot ilu ja ávkki das, ja Sámediggi háliida sihkkarastit ahte mearraluossabivdit eai dárbbaš váldit badjelásas beare stuora noađi guolásteami unnideamis.

Mearraluossabivddu álbmotrievttálaš suodjalus mearkkaša ahte lea rádjá das man ollu sisabahkkemiid sámi mearraluossabivdit sáhttet gierdat eanet muddemiid ja gáržžidemiid geažil.

Sámediggi áigu láhčit diliid eallinvejolaš mearrasámi kultuvrii, earret eará dan bokte ahte vuoigatvuohta bargat mearraluossabivdduin gozihuvvo ja nannejuvvo boahtteáiggis. Stáhta lea geatnegahttojuvvon bidjat positiivvalaš doaibmabijuid bisuhan dihtii dan bivddu oassin sámi kulturbarggus.

Loga sámediggeráđi čilgehusa luosa birra (PDF, 492 kB)